ქართველი მსახიობები გივიკო ბარათაშვილი და ანასტასია ჭანტურაია დაქორწინდნენ. როგორც გავრცელებული ფოტო და ვიდეოკადრებიდან ჩანს, წყვილმა მნიშვნელოვანი დღე უახლოესი ადამიანების გარემოცვაში აღნიშნა და საქორწინო ცერემონიისთვის განსხვავებული გარემო შეარჩია.
ქორწილისთვის ანასტასია ჭანტურაიამ თეთრი, სადა სამოსი აირჩია, გივიკო ბარათაშვილი კი თეთრ ზედასა და შარვალში იყო გამოწყობილი. ცერემონიის ამსახველი ვიდეო ხათუნა ბერძენიშვილმა გაავრცელა.
გივიკო ბარათაშვილი ახალი თაობის ერთ-ერთი გამორჩეული ქართველი მსახიობია. სხვადასხვა დროს ის „ახალი თეატრის“, „თავისუფალი თეატრისა“ და „სამეფო უბნის თეატრის“ სცენებზე თამაშობდა. ფართო აუდიტორიისთვის კი განსაკუთრებით ცნობილი პოპულარული ქართული სერიალიდან „ცვალებადი ნიშნები“ გახდა, სადაც ბასას პერსონაჟი განასახიერა. მსახიობობის გარდა, მისი ერთ-ერთი მთავარი გატაცება ფოტოგრაფიაა.
ანასტასია ჭანტურაიაც მსახიობია და, როგორც მისი მეუღლე, თეატრში აქტიურად მუშაობს. წყვილი საერთო პროფესიულ სფეროში საქმიანობს, თუმცა პირადი ურთიერთობის შესახებ საჯაროდ იშვიათად საუბრობს.
ასევე დაგაინტერესებთ:
#OK! ჭიქა ღვინოსთან – გივიკო ბარათაშვილი და ნინა ლორთქიფანიძე (ვიდეო)
