მსახიობი და მომღერალი, გიორგი თორაძე ჟურნალ „სარკე“-სთან ინტერვიუში თავის პირად ცხოვრებაზე ალაპარაკდა. მან ინტერვიუში თავის პირველ სამსახურზე და ოჯახურ ტრაგედიაზე ისაუბრა:
„ხანდახან მგონია, რომ ფილმში ვცხოვრობ, რომელიც ხან ტრაგედიაა, ხან კომედია. 2020 წლის 31 დეკემბერი იყო. სახლში ჩვეული საახალწლო ფუსფუსი გვქონდა, მეც ახალი წლის ღამის კონცერტზე უნდა გამოვსულიყავი და ვემზადებოდი, უცებ მამამ დედას დაუძახა, მივხვდი, რომ ეს სხვანაირი დაძახება იყო, მოკლედ, გულის მწვავე ინფარქტით გარდაიცვალა ახალი წლის ღამეს.
View this post on Instagram
მან მამის სიკვდილის შემდეგ აღებულ პასუხისმგებლობაზე და პირველ სამსახურზე ისაუბრა:
„დღეს ვაანალიზებ, როდესაც ასეთი დიდი ტრაგედია ხდება, ადამიანებს თვითგადარჩენის ინსტინქტი ერთვებათ. მამაჩემის სიკვდილისთანავე გავაანალიზე, რომ უდიდესი პასუხისმგებლობა დამეკისრა ოჯახზე, მისახედი მყავდა დედა და და. ძალიან მძიმედ მახსენდება ის წუთები და საათები, როდესაც ტრაგედია მოხდა…მართლა საშინელ ადგილებში ვმუშაობდი, შეიძლება, აგატიროთ კიდეც. როცა უნივერსიტეტში ჩავაბარე, მივხვდი, რომ სწავლის ფული თვითონ უნდა მეხადა. უღარიბესი ოჯახიდან ვიყავი და არ მინდოდა, ჩემი განვითარება მძიმედ დასწოლოდა ოჯახურ ბიუჯეტს, ამიტომ პირველივე კურსიდან ვმუშაობდი, დავიწყე მუშაობა ყავის ერთ-ერთ კომპანიაში, ოცლიტრიანი ყავით სავსე ავზი მქონდა მოკიდებული, სხვადასხვა მეტროს ამოსასვლელებში ვიდექი და დილის შვიდი საათიდან შუადღის სამ საათამდე ხალხს უფასოდ ვუსხამდი ყავას, ამაში დღიურად ოთხ ლარს ვიღებდი…
View this post on Instagram
მან ასევე ლელა წურწუმიას და კახი მამულაშვილის მიერ გამოხატულ მადლიერებაზეც ისაუბრა:
„ლელასი და მამულიჩასი ყოველთვის დიდი მადლობელი ვიქნები, რადგან დიდი თავისუფლება მომცეს. არასდროს მიფიქრია, თუ ოდესმე ლელას გუნდის წევრი ვიქნებოდი. ვერასდროს წარმოვიდგენდი, თუ ლელასთვის და მამულიჩასთვის საჭირო ადამიანი ვიქნებოდი…“
