17 ოქტომბერს, ისი პარიმ რესტორან თეატრში, ჟან პოლ გოწიეს ახალი სუნამოს პრეზენტაცია გამართა. ღონისძიება, პრესისა და მედიისთვის გაიმართა. მას ინფლუენსერები და ბლოგერებიც დაესწრნენ. სუნამოს პრეზენტაცია, ნამდვილი ქალღმერთებით იყო შთაგონებული.
სტუმრების მოსვლასთან ერთად, ნამდვილი ოქროსფერი დღესასწაულიც დაიწყო. მიღებაზე, სტუმრებმა Jean Paul Gaultier-ს არომატის დამახასიათებელი კორსეტიც მოირგეს და მხიარული ფოტოებიც გადაიღეს. შემდეგ, არომატით შთაგონებული კოქტეილებიც დააგემოვნეს და საღამოს მთავარი შოუს დაწყებამდე ოქროსფერი მაკიაჟითაც შეიმოსნენ.
მიღების შემდეგ, დადგა გასაოცარი ვახშმის დროც. ვახშამი პერფორმანსებითა და მოცეკვავეების შოუებით წარიმართა, საღამოს ყველა დეტალში იგრძნობოდა ახალი არომატის Divine-ის კონცეფცია. პირველი შოუს დასრულების შემდეგ, ღვთაებრივი სუნამოს გაცნობის დროც დადგა და დაიწყო პრეზენტაცია, რომელიც ისი პარის პიარისა და კონტენტის მენეჯერმა, ლინა ქალდანმა წარმართა. პრეზენტაცია, დაიწყო შთამაგონებელი აქტივობით, რომელიც ხაზს უსვამდა ქალის მნიშვნელობასა და საკუთარი თავის შეგრძნებას, ისეთად, როგორებიც სინამდვილეში ვართ.
როგორც აღმოჩნდა, Jean Paul Gaultier, ყოველთვის აღემრთებდა ქალებს და არც ახლა აღმოჩნდა გამონაკლისი. ახალი არომატი Divine ქალების ავთენტურობით, ძლიერი ხასიათით, თავისუფლებით და დავდაჯერებულობით იყო შთაგონებული. „ Gaultier-ს სამყაროში, ქალები ქალღმერთებად ცხოვრობენ“.
პრეზენტაციის დასრულებამდე, სტუმრებს ერთგვარი მანიფესტაციის კარტებიც დაურიგეს, რომლებიც უამრავი პოზიტიური მანტრით იყო დატვირთული და სთხოვეს ხშირად გაეხსენებინათ საკუთარი თავისთვის, თუ რამდენად მნიშვნელოვანი, მრავალფეროვანი, ძლიერი და თავდაჯერებული ქალები არიან. პრეზენტაციის დასრულების შემდეგ, მოცეკვავეების შოუს მეორე ნაწილის დროც დადგა. მოცეკვავეებმა, სტუმრები Divine-ის არომატის მინი ვერსიებით დაასაჩუქრეს და თითქოს საღამო კულმინაციას უახლოვდებოდა, რომ ოქროსფერი ფეიერვერკი გაეშვა და ისი პარიმ თითოეული სტუმარი ყველაზე ღვთაებრივი და ქალური არომატით დაასაჩუქრა.
