დოვ კამერონი და დამიანო დავიდი ოფიციალურად დაქორწინდნენ. წყვილმა ცერემონიისთვის იტალია, კერძოდ კი ტოსკანის ულამაზესი რეგიონი აირჩია – ქორწილი სამდღიან დღესასწაულად იქცა, რომელიც 24-26 სექტემბერს გაიმართა.
ინტიმური სამოქალაქო ცერემონია მოლჩალკინოში ჩატარდა, მთავარი საქორწილო ცერემონია კი ისტორიულ Castiglion del Bosco-ს მამულში გაიმართა. დავისა და დამიანოს სურვილი იყო, ქორწილი ერთდროულად ინტიმური და მასშტაბური ყოფილიყო.
პირველი დღე, 24 სექტემბერი, წყვილისთვის განსაკუთრებული მნიშვნელობის მქონე თარიღი იყო – სწორედ ამ დღეს, ზუსტად სამი წლის წინ, მათი ნამდვილი პაემანი შედგა.
დოვმა და დამიანომ სამოქალაქო ცერემონია მოლჩალკინოს შუასაუკუნეების ისტორიულ მერიაში, Palazzo dei Priori-ში გამართეს. ინტიმურ ცერემონიას მხოლოდ ოჯახის წევრები და უახლოესი მეგობრები ესწრებოდნენ. წყვილი მერიამდე ვინტაჟური თეთრი Lancia-ს კაბრიოლეტით მივიდა, შემდეგ კი დარბაზში ლეონარდ კოენის „Hallelujah“-ს ინსტრუმენტული ვერსიის ფონზე შევიდა.
25 სექტემბერს ქორწილის ოფიციალური სტუმრებისთვის მისასალმებელი ვახშამი გაიმართა. წვეულებისთვის ტოსკანური ვენახების შუაგულში გრძელი მაგიდა გაშალეს, რომელიც გოთიკური და რომანტიკული დეკორით იყო გაფორმებული.
ქორწილის მთავარი დღე 26 სექტემბერი იყო – ცერემონიისთვის Castiglion del Bosco-ს ტერიტორიაზე მდებარე XII საუკუნის ციხესიმაგრის ნანგრევები შეარჩიეს. ისტორიული ქვის ტერასები თეთრი, გამჭვირვალე ქსოვილებით, მწვანე მცენარეებითა და ჰორტენზიებით მორთეს.
აღსანიშანვაი, რომ ცერემონიის Måneskin-ის ყველა წევრი ესწრებოდა – ვიქტორია დე ანჯელისი, თომას რაჯი და იტან ტორჩიო.
დaვმა ქორწილისთვის რამდენიმე განსხვავებული ლუქი მოირგო:
სამოქალაქო ცერემონიაზე მსახიობს Giorgio Armani-ს სპეციალურად მისთვის შექმნილი საქორწილო კოსტიუმი ეცვა. იმავე საღამოს, Castiglion del Bosco-ში გამართულ ვახშამზე, Blumarine-ის კაბა მოირგო, 25 სექტემბრის მისასალმებელ საღამოზე კი Alberta Ferretti-ს კოსტიუმი აირჩია და მას Damiani-ს თეთრი ოქროსა და ბრილიანტების ყელსაბამი შეუხამა.
თუმცა მთავარი საქორწილო კაბა, ბუნებრივია, ყველაზე განსაკუთრებული იყო. დავმა Valentino-ს სპეციალურად მისთვის შექმნილი კაბა ჩაიცვა, რომლის დიზაინზე ბრენდის კრეატიულ დირექტორ ალესანდრო მიკელესთან და საკუთარ სტილისტ მარკ ერემთან ერთად იმუშავა.
ასევე დაგაინტერესებთ:
#OK! ტეილორ სვიფტის და ტრევის კელის გრანდიოზული ქორწილი მედისონ სკვერ გარდენში
