დონატელა ვერსაჩე მოდის ინდუსტრიაში ახალი ბრენდით ბრუნდება. 71 წლის იტალიელი დიზაინერი ამერიკულ კომპანია Revolve Group-თან პარტნიორობით დამოუკიდებელ ბრენდს ქმნის, რომელიც მოდისა და სილამაზის მიმართულებებს გააერთიანებს. ახალი პროექტის პირველი პროდუქტები 2027 წელს გამოვა, თუმცა ბრენდის სახელი და სხვა მნიშვნელოვანი დეტალები ჯერჯერობით უცნობია.
დონატელა ახალ კომპანიაში Chief Creative Officer-ის პოზიციას დაიკავებს და თავად განსაზღვრავს ბრენდის შემოქმედებით მიმართულებას, პროდუქციას, თანამშრომლობებსა და იდენტობას.
პროექტი თავდაპირველად სილამაზის მიმართულებით დაიწყება, მოგვიანებით კი მოდის სფეროშიც გაფართოვდება. აღსანიშნავია, რომ პარტნიორობა ახალგაზრდა აუდიტორიაზეა ორიენტირებული.
„მინდა, ამ თაობას სრულიად ახალი გზით, სილამაზისა და მოდის საშუალებით ვესაუბრო“, – განაცხადა დონატელამ ახალი პროექტის შესახებ.
დონატელა ვერსაჩემ Versace-ს კრეატიული დირექტორის თანამდებობა 2025 წელს დატოვა. მისი წასვლის შემდეგ Versace Prada Group-ის მფლობელობაში გადავიდა, ხოლო მოდის სახლის ახალი კრეატიული ხელმძღვანელი ბელგიელი დიზაინერი პიტერ მულიე გახდა. პირველი კოლექციის ჩვენება Versace-სთვის 2027 წლის გაზაფხულზე, მილანის მოდის კვირეულზე იგეგმება.
ასევე დაგაინტერესებთ:
#OK! როგორ გამოვიდა დონატელა ვერსაჩე საკუთარი ძმის ჩრდილიდან
