ბრაზილიელი სუპერმოდელის, ადრიანა ლიმას, გარეგნობის ცვლილებას სოციალურ ქსელებში განხილვა მოჰყვა.
ლიმა 29 სექტემბერს პარიზში, Revolve Magazine-ის ღონისძიებას დაესწრო. მოდელს შავი ტყავის თავისუფალი სტილის ქურთუკი და შავი ფეხსაცმელი ეცვა. თუმცა, საზოგადოების ყურადღება მისმა ჩაცმულობამ კი არა, სხეულის შესამჩნევმა ცვლილებამ მიიპყრო. განსაკუთრებით აქტიურად განიხილავდნენ მის ფეხებს, რომლებიც წარსულთან შედარებით საგრძნობლად გამხდარი ჩანდა.
საზოგადოების ნაწილი მის ჯანმრთელობასთან დაკავშირებით შეშფოთებას გამოთქვამს, ნაწილი კი მიიჩნევს, რომ ქალის გარეგნობის მუდმივი კრიტიკა უნდა შეწყდეს.
„რა დაემართა ადრიანა ლიმას ფეხებს?“ – დაწერა ერთ-ერთმა მომხმარებელმა სოციალურ ქსელში.
„ადრე ყველა მსუქანს უწოდებდა, ახლა კი ამბობენ, რომ ზედმეტად გამხდარია. ქალებმა სხვა ქალების სხეულის კრიტიკა უნდა შეწყვიტონ“, – ვკითხულობთ კომენტარებში.
ამ დროისთვის ადრიანა ლიმას წონის კლების მიზეზი უცნობია. თავად მოდელს ამ საკითხზე საჯარო განმარტება არ გაუკეთებია, ამიტომ მისი ჯანმრთელობის მდგომარეობასთან დაკავშირებით გავრცელებული ვარაუდები დადასტურებული არ არის.
საზოგადოების ყურადღების მიუხედავად, ლიმა სამოდელო კარიერას აგრძელებს. 18 ოქტომბერს ის Victoria’s Secret-ის შოუში მიიღებს მონაწილეობას. ეს მისთვის ბრენდის პოდიუმზე კიდევ ერთი მნიშვნელოვანი დაბრუნებაა – ლიმა Victoria’s Secret-თან 1999 წლიდან თანამშრომლობს და წლების განმავლობაში ბრენდის ერთ-ერთ ყველაზე ცნობილ მოდელად ითვლებოდა.
ასევე დაგაინტერესებთ:
#OK! ადრიანა ლიმა, ჰეილი ბიბერი, ჟიზელ ბიუნდჰენი და სხვები Vicrotia’s Secret-ის ახალი კოლექციისთვის
