ლაიონელ რიჩი საავადმყოფოში გადაიყვანეს – როგორია ლეგენდარული მომღერლის ჯანმრთელობის მდგომარეობა

77 წლის ლაიონელ რიჩი საავადმყოფოში გადაიყვანეს – 29 აგვისტოს, მისურის შტატის ქალაქ სენტ-ლუისში გამართული კონცერტის დასასრულს მომღერალმა თავი შეუძლოდ იგრძნო. გავრცელებული ინფორმაციით, მისი ჰოსპიტალიზაცია მძიმე მდგომარეობით არ ყოფილა გამოწვეული – რიჩიმ ექიმებს თავად მიმართა და გამოკვლევები სიფრთხილის მიზნით ჩაიტარა.

მუსიკოსი სენტ-ლუისის The Muny-ში გამართულ კონცერტზე იმყოფებოდა. All Night Long-ის, შესრულებისას მან ჯგუფის წევრებს სკამი სთხოვა და კომპოზიცია მჯდომარე მდგომარეობაში დაასრულა.

კონცერტის დასრულების შემდეგ რიჩი ადგილობრივ საავადმყოფოში თავად მივიდა. TMZ-ის ცნობით, მომღერალი ინტენსიური თერაპიის განყოფილებაში მოათავსეს, სადაც ექიმებმა მას რამდენიმე გამოკვლევა ჩაუტარეს. არსებული ინფორმაციით, სპეციალისტები შესაძლო მსუბუქ დეჰიდრატაციას, ანუ ორგანიზმში სითხის ნაკლებობას, ამოწმებდნენ.

მომღერლის წარმომადგენლებს მისი მდგომარეობის შესახებ ოფიციალური განცხადება ჯერ არ გაუკეთებიათ.

ლაიონელ რიჩი ცნობილი ამერიკელი მომღერალი და კომპოზიტორია. მისი კარიერა 1960-იანი წლების ბოლოს ჯგუფ The Commodores-ში დაიწყო, მოგვიანებით კი სოლო კარიერით კიდევ უფრო დიდ წარმატებას მიაღწია. „Hello“, „All Night Long“, „Dancing on the Ceiling“, „Say You, Say Me“ და „Endless Love“ მისი ყველაზე ცნობილი ჰიტებია. რიჩიმ ოთხი „გრემი“ მოიპოვა, ხოლო 1985 წელს მაიკლ ჯექსონთან ერთად დაწერა საქველმოქმედო სიმღერა „We Are the World“, რომელიც მუსიკის ისტორიაში ერთ-ერთ ყველაზე მნიშვნელოვან და ცნობილ პროექტად იქცა.

ასევე დაგაინტერესებთ:

#OK! მაიკლ ჯექსონი: რთული ბავშვობა, სკანდალური ბრალდებები და ტრაგიკული დასასრული

#OK! ვინ არის ლაიონელ რიჩის 40 წლით აზალგაზრდა შეყვარებული – წყვილის სიყვარულის ისტორია ფოტოებში