ჰოლივუდის მსახიობი შეილინ ვუდლი, რომელიც მაყურებელმა „დივერგენტის“ სერიითა და HBO-ს პოპულარული სერიალით „დიდი პატარა ტყუილები“ (Big Little Lies) გაიცნო, საქართველოში იმყოფება.
მსახიობი სამეგრელოში, ეთნო სოფელ „სისატურას“ ესტუმრა. მისი ვიზიტის ამსახველი ფოტოები სოციალურ ქსელში გავრცელდა.
ტურიზმის ეროვნული ადმინისტრაციის მარკეტინგული კამპანიის ფარგლებში, საქართველოში Netflix-ის ახალი საერთაშორისო პროექტის გადაღებები გაიმართა. გავრცელებული ინფორმაციით, ვუდლი საქართველოში სწორედ ამ პროექტის ფარგლებში ჩამოვიდა.
გადაღებები აჭარაში, სამეგრელოში, იმერეთში, სამცხე-ჯავახეთსა და მცხეთა-მთიანეთში მიმდინარეობდა. მსახიობი ადგილობრივ კულტურას, ტრადიციულ რეცეპტებსა და თითოეული რეგიონის უნიკალურ თავისებურებებს გაეცნო.
საერთაშორისო შოუს ერთ-ერთი მთავარი ეპიზოდი სრულად საქართველოს მიეძღვნება და ქვეყნის ტურისტულ, გასტრონომიულ და კულტურულ მრავალფეროვნებას საერთაშორისო აუდიტორიას გააცნობს.
View this post on Instagram
შეილინ ვუდლიმ მსოფლიო პოპულარობა „დივერგენტის“ ტრილოგიით მოიპოვა, მოგვიანებით წარმატებული როლები შეასრულა ფილმებში „The Fault in Our Stars“, „The Descendants“ და სერიალში „Big Little Lies“, სადაც პარტნიორობას ნიკოლ კიდმანი, რიზ უიზერსპუნი და მერილ სტრიპი უწევდნენ.
