Serefando – ქართული ბრენდია, რომელიც ნატურალური ქსოვილისგან დამზადებულ საბავშვო პროდუქციას გთავაზობთ. აქ თქვენ შეგიძლიათ შეიძინოთ ბავშვის ტანსაცმელი და აქსესუარები, როგორც ნაქსოვი ისე შეკერილი სამოსი. ბრენდის დამფუძნებელი მირანდა ბერძენაძე #OK!-სთან საუბარს ბავშვობის გახსენებით იწყებს.
,,მთელი ბავშვობა ბარბის თოჯინებს ვუკერავდი ტანსაცმლებს და ვოცნებობდი ნამდვილი ტანსაცმელი შემექმნა. მიხარია, რომ ამ ოცნებას ნელ-ნელა ვიხდენ. ვცდილობ მუდმივად განვითარდე და უფრო მეტი და მეტი ვისწავლო. ‘’
სამოსი ბავშვისთვის უნდა იყოს უსაფრთხო და კომფორტული.
,,ბავშვისთვის ტანსაცმლის თუ აქსესუარის შექმნა საპასუხისმგებლოა. ის უნდა მოეწონოს როგორც პატარას, ისე მის მშობელს. მშობლებს უფრო ხშირად უნდათ ,,გაპრანჭული’’ სამოსი, რაც ბაზარზე ცოტაა, ვცდილობ მუდმივ კონტაქტზე ვიყო მათთან და გავითვალისწინო მათი რჩევები. ჯერ-ჯერობით კმაყოფილი მომხმარებელი უფრო მეტი მყავს’’
როგორც მირანდა აღნიშნავს დიზაინს თვითონ ქმნის, ასევე ცდილობს ხარისხზე იყოს ორიენტირებული.
,,ვცდილობ შევქმნა ისეთი სამოსი თუ აქსესუარი, რომელიც იქნება კომფორტული და ყოველ დღე გამოყენებადი და რა თქმა უნდა ხარისხიანი. მინდა ავღნიშნო, რომ Serefando -ს პროდუქცია ხელმისაწვდომია ყველა სეგმენტისთვის. ‘’
მართალია ბრენდი ქართულ ბაზარზე 2018 წელს გამოჩნდა, თუმცა ბრენდის მუშაობა პანდემიის დროს შეჩერდა, ეხლა კი კვლავ განახლდა ონლაინ გაყიდვები Serefando-ს facebook გვერდზე. ბრენდის სიახლე მდგომარეობს იმაშიც, რომ დაემატა დიდების ხაზიც. შესაძლებელია ისეთი აქსესუარების შეძენა, როგორიცაა პირბადე, შარფი და ასევე ნაქსოვი მაისურები როგორც ქალებისთვის ისე კაცებისთვის.
,,ჩემს მომხმარებელს შევთავაზე პირბადე-შარფი, რომელსაც დიდი გამოხმაურება მოყვა.სამომავლოდ ვგეგმავ გაფართოებას, აუცილებლად მინდა მქონდეს ჩემი პატარა მაღაზია.’’
