Chanel-ის ახალი ფეხსაცმელი ინტერნეტში ერთ-ერთ ყველაზე განხილვად თემად იქცა – თუმცა, ერთი შეხედვით, რთულია მას საერთოდ „ფეხსაცმელი“ ვუწოდოთ. ფრანგული მოდის სახლის ახალ, ე.წ. „barefoot sandals“-ს მხოლოდ ქუსლის ნაწილი და რამდენიმე თხელი თასმა აქვს, ფეხის დანარჩენი ნაწილი კი სრულიად შიშველია. დიზაინმა ჯერ კიდევ რამდენიმე თვის წინ მიიპყრო ყურადღება, თუმცა მისი რეალურ ცხოვრებაში გამოჩენის შემდეგ დისკუსია კიდევ უფრო გამწვავდა.
Chanel-ის ეს უჩვეულო მოდელი მსახიობმა მარგარეტ ქუალიმ 20 აგვისტოს, ლონდონში, ფილმის The Dog Stars პრემიერაზე მოირგო. 31 წლის მსახიობი წითელ ხალიჩაზე მთლიანად Chanel-ის ლუქით გამოჩნდა – თუმცა ყველაზე დიდი ყურადღება მაინც ფეხსაცმელს დაეთმო.
Vogue-ის ინფორმაციით, ფეხსაცმელი ამ ეტაპზე ონლაინ გაყიდვაში საერთოდ არ არის და, სავარაუდოდ, მხოლოდ VIP კლიენტებისა და ბრენდის განსაკუთრებული მომხმარებლებისთვისაა ხელმისაწვდომი.
უჩვეულო სანდლები პირველად 2026 წლის 28 აპრილს, საფრანგეთის ქალაქ ბიარიცში, Chanel-ის Cruise 2026/27 კოლექციის ჩვენებაზე გამოჩნდა.
მოდის ინდუსტრიისა და მედიის შეფასებით, მისი სავარაუდო ფასი $1,500-დან $2,700-მდე მერყეობს. სწორედ ეს ციფრი გახდა კრიტიკის ერთ-ერთი მთავარი მიზეზი – განსაკუთრებით იმის გათვალისწინებით, რომ დიზაინი ფაქტობრივად მხოლოდ ქუსლის საფარისა და თასმებისგან შედგება.
Vogue-ის რედაქტორებმაც ფეხსაცმელს „freaky shoes“ უწოდეს და მის არაპრაქტიკულობაზე გაამახვილეს ყურადღება. თუმცა, მოდის ექსპერტების აზრით, სწორედ ეს არაპრაქტიკულობა შეიძლება იყოს მთავარი იდეა – ეს არის აქსესუარი, რომელიც ყოველდღიური კომფორტისთვის კი არა, ვიზუალური ეფექტისთვის შეიქმნა.
#OK! UNIQUE FASHION SHOW PARIS 2026 – მოდა, ხელოვნება და საერთაშორისო დიალოგი პარიზის გულში
#OK! ASAP Rocky – ექსცენტრიული ხედვა და ექსპერიმენტული სტილი
