საპროტესტო აქციების განმავლობაში უამრავი კადრები ვრცელდებოდა, რომელიც აქციის მონაწილეებს აღწერდა, თუმცა ერთი კადრი განსაკუთრებული აღმოჩნდა – ქალი დროშით! , ეს კადრი გახდა სიმბოლო იმ პროტესტის რომელიც მთავრობის „აგენტების“ კანონის წინააღმდეგაა.
ზემოთ ხსენებული ქალი დროშით – 47 წლის ნანა მალაშხიაა, რომელიც აქციაზე თავის დასთან და მეუღლესთან ერთად იმყოფებოდა. აქციის შესახებ ნანა მალაშხიამ პირველად „რადიო თავისუფლებასთან“ ისაუბრა:
“ვნახე, რომ ჩიტაძისკენ დაიძრა ხალხი და იყო ჩოჩქოლი. უკვე დგანან რობოკოპები და დგას წყლის ჭავლის მანქანა, რომელიც ასხამს წყალს ხალხს. ვერ გეტყვით როგორ აღმოვჩნდი იქ, ვხედავდი წყლის ჭავლს და უბრალოდ დავიძარი იქითკენ. ეს იყო სიბრაზე, ეს იყო ზუსტად ის ნაბიჯი, მოდით ვიტყვი პირდაპირ – კონსტიტუციის თავზე გადახევა და ფაქტიურად კი არადა საბოტაჟი , მითუმეტეს იმ დროს, როდესაც თუ არ ვცდები შემოდგომით, ხელახლა უნდა განიხილონ ჩვენი ევროკავშირის კანდიდატის სტატუსი, არანაირი შიშს გრძნობა არ იყო…
წყლის ჭავლმა თავისი ქნა და დაცვის მიუხედავად, ბიჭების დიდი მონდომების მიუხედავად, დავეცი მე, მაგრამ დროშა არ დაცემულა ერთი წამითაც. უცბად გამომართვეს, ბევრნი იყვნენ და უცბად წამომაყენეს და ააფრიალეს. მე არ ვიცი დღეს ის დროშა ვის აქვს, ეს არის გარდამავალი დროშა, მე ვფიქრობ, რომ ქართველი ხალხის ხელშია ეს დროშა…”
იხილეთ სრული ინტერვიუ:
