ზამთრის ზღაპარი დასასრულს უახლოვდება, წინ მზიანი დღეები და სითბო გველის. შესაძლოა, ზოგისთვის ეს პერიოდი რთული აღმოჩნდეს, მით უმეტეს, რომ 25 თებერვალს რეტროგრადული მერკური იწყება, თუმცა ამ დროს სარგებლის მიღებაც შესაძლებელია. რეტროგრადული მერკურის დროს ცხოვრების ყველა სფეროში სიფრთხილე, მოთმინება და თვითკონტროლია საჭირო – თვისებები, რომლებიც ხშირად ძალიან გვაკლია.
თებერვლის მიწურულს “მეორე სუნთქვის” გახსნას ყველა იგრძნობს – სუსხიანი ზამთრის შემდეგ თბილი მარტის მოლოდინი ძალასა და მოტივაციას შეგვმატებს, თუმცა, არსებობენ იღბლიანები, რომლებისთვისაც ზამთრის ბოლო დღეები განსაკუთრებით წარმატებული იქნება.
ვერძი
თებერვლის ბოლო თქვენთვის ცხოვრების ყველა სფეროში სიახლების პერიოდი იქნება. აღიარება სამსახურში, ფინანსური ნაკადები და ურთიერთობებში ჰარმონია – ყველაფერი თქვენს სასარგებლოდ იმუშავებს. ამ ნიშნის მარტოხელა წარმომადგენლებს ასტროლოგები ურჩევენ, ხალხში ხშირად გავიდნენ და ახალი ნაცნობობა ეძებონ.
რჩევა: აქ და ახლა უნდა იმოქმედოთ.
კურო
ამ ნიშნის წარმომადგენლებს იღბალი ფინანსურ საქმეებში გაუღიმებს. ეს შეიძლება დაწინაურება, პრემია, ვალის დაბრუნება ან სულაც ლატარიაში მოგება იყოს. მეტიც, მიღებული თანხა საკუთარ თავს უნდა მოახმაროთ. მაგალითად, მოგზაურობა დაჯავშნოთ, რათა ზამთარი პალმებისა და ოკეანის ფონზე გააცილოთ.
რჩევა: შეგიძლიათ გარისკოთ – იღბალი თქვენს მხარესაა.
ლომი
ლომები საბოლოოდ გაიხსენებენ, რომ საკუთარი ცხოვრების მთავარი ვარსკვლავები არიან. წინ გელით ახალი აღმოჩენების, საინტერესო ნაცნობობისა და დაუსრულებელი შესაძლებლობების თვე. ყველა სამუშაო პროექტი წარმატებით დასრულდება, რაც მთელი წლისთვის დამატებით ენერგიასა და მოტივაციას მოგცემთ. პირადი ცხოვრებაც მშვენიერია — შესაძლოა, ხელის თხოვნაც კი დაგეგმონ.
რჩევა: საკუთარი უნიკალურობა არ დაივიწყოთ.
მორიელი
მორიელებისთვის ეს პერიოდი მშვიდი, მაგრამ ძალიან წარმატებული იქნება. მიუხედავად იმისა, რომ კარიერაში წინსვლა ან ბობოქარი რომანები არ გელით, თებერვლის ბოლო დიდი ხნის ნანატრ სტაბილურობას მოგიტანთ. თქვენი ცხოვრების ყველა სფეროში ჰარმონიაა, რაც გრძელვადიანი გეგმების შედგენაში დაგეხმარებათ.
რჩევა: მოვლენებს ნუ დააჩქარებთ, დინებას მიჰყევით.
თევზები
თქვენ, თევზები, თებერვლის ბოლოს სამყაროს რჩეულები გახდებით. მოემზადეთ ბედისგან საჩუქრების მისაღებად. სამსახურში მომგებიანი პროექტები გელით, რომელთა მართვასაც სწორედ თქვენ განდობენ. სასიყვარულო სფეროც სასიამოვნო სიურპრიზებით იქნება სავსე – რომანტიკული პაემნები, ერთობლივი მოგზაურობა და დაქორწინების შეთავაზებაც კი გელით.
რჩევა: ისიამოვნეთ მომენტით და მადლიერების გამოხატვა არ დაივიწყოთ.
ასევე დაგაინტერესებთ
#OK! „რკინის ლედი“ – ზოდიაქოს 6 ყველაზე ძალაუფლებისმოყვარე ქალი
