HBO-ს ამერიკული სატელევიზიო პროექტის Sex and the City-ის მსახიობი ვილი გარსონი, რომელმაც მაყურებლისთვის სტენფორდ ბლეჩის დაუვიწყარი პერსონაჟი შექმნა, 57 წლის ასაკში გარდაიცვალა.
View this post on Instagram
ინფორმაცია მსახიობის შვილმა ნათან გარსონმა გაავრცელა.
“მიყვარხარ, იმაზე მეტად, ვიდრე ოდესმე წარმოიდგენდი. ყოველთვის ყველაზე მკაცრი, თუმცა ყველაზე ჭკვიანი და მხიარული ადამიანი იყავი, ვისაც კი ოდესმე ვიცნობდი”.
“მშვიდად განისვენე მამა. მიხარია, რომ ამდენს მიაღწიე და ყოველთვის შეგეძლო გაგეზიარებინა ჩემთვის ყველა შენი ცხოვრებისეული თავგადასავალი.”
View this post on Instagram
მაიკლ პატრიკ კინგმა, Sex and the City-ისა და And Just Like That-ის აღმასრულებელმა პროდიუსერმა სამშაბათს განაცხადა, რომ გარსონი ავად იყო. მიუხედავად იმისა, რომ ინფორმაცია ოფიციალურად არ დადასტურებულა, ვარსკვლავის გარდაცვალების მიზეზად კიბოსთან ბრძოლა ითვლება.
”ვილი გარსონი როგორც ეკრანზე, ასევე რეალურ ცხოვრებაში ერთგული მეგობარი და ნათელი შუქი იყო ყველა ახლობელი ადამიანისთვის.”
”მან შექმნა ერთ-ერთი ყველაზე საყვარელი პერსონაჟი სტენფორდ ბლეჩი HBO-სთვის და იყო ჩვენი ოჯახის წევრი თითქმის ოცდახუთი წლის განმავლობაში. ჩვენ ღრმა მწუხარებას გამოვთქვამთ მისი გარდაცვალების შესახებ და ვუსამძიმრებთ ვილის ოჯახს და ახლობლებს.” – განაცხადა HBO Max-ის წარმომადგენელმა The Post-თან საუბრისას.
View this post on Instagram
მსახიობის გარდაცვალების შესახებ მწუხარება Sex And The City-ის მსახიობებმა სოციალური ქსელის საშუალებით გამოხატეს.
View this post on Instagram
გარსონის კარიერა მოიცავდა 90-იანი და 2000-იანი წლების ისეთ წარმატებულ სატელევიზიო პროექტებს, როგორებიცაა: Twin Peaks, Friends, The X-Files, Buffy the Vampire Slayer, Ally McBeal, Boy Meets World და სხვა მრავალი.
