Bevza
ბრენდი Bevza 2006 წელს დიზაინერმა სვეტლანა ბევზამ შექმნა. Bevza მსოფლიოში ერთ-ერთი ყველაზე ცნობილი უკრაინული ბრენდია, რომელიც ელეგანტურ, მინიმალისტურ სამოსს, ფეხსაცმელსა და აქსესუარებს ეკომეგობრული მატერიებისგან აწარმოებს. 2013 და 2019 წლებში პრესტიჟულ უკრაინულ მოდის დაჯილდოებებზე სვეტლანა ბევზამ წლის საუკეთესო დიზაინერის ჯილდო მიიღო. 2017 წლიდან ბრენდი თავის კოლექციებს ნიუ იორკის მოდის კვირეულებზე წარადგენს. Bevza-ს სამოსს არაერთი მსოფლიო ვარსკვლავი იცვამს.
Frolov
უკრაინელების წითელი ხალიჩის ყველაზე საყვარელი ბრენდი 2015 წელს ივან ფროლოვმა შექმნა. Frolov-ის საღამოს კაბები ისეთ ვარსკვლავებს ეცვათ, როგორებიც არიან დუა ლიპა, რიტა ორა, გვენ სტეფანი და სხვები. დიზაინერის კოლექციებში იხილავთ კორსეტებს, მბზინავი თვლებით გაფორმებულ ქსოვილებსა და ასიმეტრიულ სილუეტებს. ივან ფროლოვის მთავარი იდეა თავისუფლების შეგრძნებაა, რაც მის თითოეულ სამოსზე აისახება.
Paskal
ჰაეროვანი, ქალური, ნაზი ესთეტიკის ბრენდი Paskal, 2010 წელს პროფესიით არქიტექტორმა ჯული პასკალმა დააარსა. ბრენდი თავისი ორიგინალური სილუეტებისა და აბსტრაქტული ელემენტების შესაქმნელად განსაკუთრებულ, ინოვაციურ სხვადასხვა სახის ტექნიკას იყენებს. Paskal-ის კოლექციებში მრავლად იხილავთ გულებითა და ყვავილებით გაფორმებულ ტიულის ქსოვილებს. ბრენდი 2014 წელს LVMH Prize-ის ფინალისტი გახლდათ.
Kachorovska
Kacho Group 1957 წელს დაარსდა და იმ დროიდან აქსესუარებს ქმნიდა. ახლა უკვე მესამე თაობა უძღვება ამ საქმიანობას. ალინა კაჩოროვსკამ 2015 წელს საკუთარი ბრენდი − Kachorovska შექმნა. ბრენდი მაღალი ხარისხის, ტენდენციურ, ხელმისაწვდომ ფეხსაცმელებსა და აქსესუარებს ქმნის.
Chereshnivska
ბრენდი Chereshnivska რამდენიმე დიზაინერს მოიცავს, რომლებმაც 5 წელიწადში შეძლეს დიდი წარმატებისთვის მიეღწიათ. ბრენდის სამოსი ხელით იკერება და მათზე დატანილი პრინტებიც კრეატიული დირექტორის − ანასტასია როზავას ხელით არის დახატული. Chereshnivska უნისექს-სამოსს ქმნის და თითოეული მათგანი ერთადერთი და უნიკალურია.
91LAB
დიზაინერი ტატიანა აბრამოვა გახლავთ ორი ბრენდის CEO და დამფუძნებელი. Rito 1991 წელს შეიქმნა, ხოლო 91LAB 2018 წელს და უკვე ძალიან დიდი პოპულარობით სარგებლობს. ბრენდი ნაქსოვ სამოსს ქმნის, რომელიც საოცრად კომფორტულია და ერთხელ თუ ჩაიცვამთ, მისი გამუდმებით მორგება მოგინდებათ.
