დავით ერაძე – „თეატრის“ გენერალური მენეჯერი:
რადგან „თეატრში“ ყველა მხრიდან სანახაობას უნდა ველოდოთ, გამონაკლისი არც მომსახურე პერსონალია. მომსახურების ფორმას უდიდესი მნიშვნელობა ენიჭება. დარბაზში მყოფ სტუმრებს ერთდროულად უნდა მიეწოდოთ აპეტაიზერი, შემდეგ მთავარი კერძი, ბოლოს კი დესერტი. და იწყება საოცარი სვლა სამზარეულოდან მაგიდებისკენ… ეს მუშაობის განსხვავებული სტილია, რომელსაც ადრენალინთან ერთად უდიდესი პასუხისმგებლობაც ახლავს თან. თუმცა „თეატრის“ გენერალური მენეჯერი დავით ერაძე, რომელიც სერვისის მიმართულებასაც ხელმძღვანელობს და სულ რამდენიმე თვეში საოცარი გუნდი შექმნა, თავს საუკეთესოდ ართმევს.
ვისაც ეს არ გინახავთ, ბევრიც დაგიკარგავთ, რადგან მართლაც გასაოცარია მწკრივში ჩამდგარ მიმტანთა ჯარი. არის ისეთი ეპიზოდებიც, როცა მომსახურე პერსონალი წარმოდგენის ქორეოგრაფიაში სრულად ერთვება.
ეს ნაწილიც ძალიან ხიბლავს სტუმრებს, რადგან ამგვარ ამბავს სხვაგან ვერსად ნახავ საქართველოში.
„წისქვილი ჯგუფის“ აღმასრულებელი დირექტორი გიორგი შველიძე
„თეატრი“ ძალიან საინტერესო პროექტია მთელი გუნდისთვის. წლების მანძილზე დაგროვილმა გამოცდილებამ მოგვცა გამბედაობა და შესაძლებლობა, შეგვქმნა გამორჩეული და განსხვავებული კონცეფციის სივრცე.
„თეატრის“ გასტრონომიის მიმართულება „წისქვილი ჯგუფი“-ის მრავალწლიან და უცვლელ ხარისხს ეფუძნება.
„რესტორანი წისქვილში“ სტუმრობა ადამიანებს აძლევს ემოციას, რომელიც მათ დიდხანს მიჰყვებათ. უცხოელებისთვის კი არის ქართული კულინარიის, კულტურის, ფოლკლორისა და არქიტექტურის გაცნობის საუკეთესო საშუალება.
ვფიქრობთ, რომ „თეატრის“ ისტორიის დაწერა უკვე დაიწყო და ისიც იტყვის თავის სათქმელს, როგორც კულტურული, ისე გასტრონომიული მიმართულებით. – „წისქვილი ჯგუფის“ აღმასრულებელი დირექტორი გიორგი შველიძე
