#OK! სილამაზის ჰარმონია Matisse-თან ერთად

ყველასთვის წარმოუდგენელია ნებისმიერი მნიშვნელოვანი დღესასწაული თუ თარიღი უმშვენიერესი მცენარეების გარეშე, რომლებიც კიდევ უფრო ლამაზსა და გასაოცარს ხდის ჩვენთვის დასამახსოვრებელ თითოეულ მომენტს. სალონური ტიპის მაღაზია Matisse საზოგადოებას ულამაზესი თაიგულების მრავალფეროვან არჩევანს, ყვავილების განსაკუთრებულ სახეობებსა და ინდივიდუალურ კომპოზიციებს სთავაზობს. აღსანიშნავია, რომ მათი თითოეული თაიგულის მოდელი განუმეორებელი და გამორჩეულია. ჟურნალი OK! გაგაცნობთ ყვავილების ქართულ ბრენდ Matisse-ს, რომელიც დაგეხმარებათ მრავალფეროვანი ყვავილების დახმარებით აიმაღლოთ განწყობა. ბრენდზე უფრო დეტალურად Matisse-ის დამფუძნებელი − სოფი გრიგოლაშვილი გვიამბობს.

უპირველესად, გაგვაცანით კომპანია. რამდენი ხანია, რაც Matisse გაიხსნა?

Matisse არის ბრენდი, რომელიც უზრუნველყოფს მოჭრილი ყვავილების იმპორტს და რეალიზაციას ონლაინპლატფორმის მეშვეობით. ასევე, ჩვენი ყვავილები დღეისათვის წარმოდგენილია ბაზარზე, ილო მოსაშვილის 6 ნომერში.

„მატისი“ არცთუ დიდი ხანია გამოჩნდა ქართულ რეალობაში, თუმცა ამბიციური გეგმებითა და მაღალი მოტივაციის მქონე პროფესიონალებით დაკომპლექტებული გუნდით, რომლებიც საკმაოდ სწრაფი ტემპით ავითარებენ კომპანიას. დარწმუნებით შემიძლია გითხრათ, რომ იგი მალე დაიკავებს ღირსეულ ადგილს სხვა მრავალწლიანი გამოცდილების მქონე კომპანიების გვერდით.

გვესაუბრეთ თქვენს კონცეფციაზე. როგორ დაიბადა „მატისის“ შექმნის იდეა?

რაც შეეხება კონცეფციას, „მატისი“ არის სალონური ტიპის მაღაზია, სადაც ვამზადებთ ინდივიდუალურ კომპოზიციებს. ჩვენთან პრაქტიკულად არ მეორდება თაიგულის მოდელები, იშვიათი გამონაკლისის გარდა. „მატისის“ თითოეული გუნდის წევრი ცდილობს მაქსიმალურად მოარგოს პროდუქტი მოთხოვნის შინაარსსა და პირობებს. ვინაიდან დიდი ხანია ვხატავ, ფერებთან მუშაობა ჩემთვის განსაკუთრებული ემოციაა, ყვავილებში კი მოგეხსენებათ, ყველაზე ორგანულად არის გამოხატული ფერთა სიმრავლე. დიდი ხანია ფლორისტიკით ვარ გატაცებული, ამიტომ გადავწყვიტე ეს გატაცება ჩემს საქმიანობად მექცია, რომელსაც უდიდესი სიამოვნებით გავაკეთებდი და სწორედ აქედან გაჩნდა „მატისის“ შექმნის იდეა.

რატომ შეარჩიეთ ეს სახელი თქვენი ბრენდისთვის?

ბრენდინგზე მუშაობის დროს გამოიკვეთა ბევრი მნიშვნელოვანი დეტალი, რომელიც უკავშირდებოდა ყვავილების თვისებებს, ფერებს. საქმეს მივუდექით, როგორც ხელოვნების ცოცხალ ნაწილს და დავუკავშირეთ ცნობილ ფრანგ მხატვარ ანრი მატისს, რომელიც საკუთარ ემოციებს ტილოზე სწორედ ფერების საშუალებით გადმოსცემდა.

გვიამბეთ თქვენი სერვისის შესახებ. რას სთავაზობთ საზოგადოებას? ასევე, გვიამბეთ მცენარეების სახეობებზე.

„მატისი“ მომხმარებელს სთავაზობს ყვავილების განსხვავებულ სახეობებს, ფლორისტის ინდივიდუალურ მომსახურებას, რომელიც საზოგადოების ნებისმიერი ნაწილისთვის არის ხელმისაწვდომი. ასევე, სთავაზობს შეკვეთის გაფორმების მარტივ პროცედურებს და მიტანის სერვისის მოქნილ სისტემას.

გაქვთ თუ არა სადღესასწაულო შეკვეთები? გაგვაცანით პროცესი. რა სირთულეებთანაა დაკავშირებული?

„მატისი“ რამდენიმე მიმართულებით მუშაობს. მათ შორის ერთ-ერთი მიმართულებაა სწორედ ღონისძიებებისა და დღესასწაულების გაფორმება. ბუნებრივია, თითოეული დამკვეთი ელის, რომ მისი დაგეგმილი ნებისმიერი ღონისძიება იქნება უნაკლო, ყველა მნიშვნელოვანი თუ წვრილმანი დეტალის გათვალისწინებით. თავდაპირველად, ლოკაციის, სეზონისა და ტემპერატურის გათვალისწინებით, დამკვეთთან ერთად ვარჩევთ ყვავილებს ფერებისა და კომპოზიციების მიხედვით, შემდეგ ვიწყებთ მოსამზადებელ სამუშაოებს და დაგეგმილ დღეს მთელი გუნდი ჩართულია გაფორმების პროცესში.

ვერ ვიტყვი, რომ ეს პროცესი ჩვენი გუნდისთვის განსაკუთრებულ სირთულეს წარმოადგენს, რადგან თითოეული გამოწვევა კომპანიის წარმომადგენლებისთვის ახალი იდეის ხორცშესხმასთანაა დაკავშირებული.

ამასთან, ძალიან სასიამოვნო და დასაფასებელია, როდესაც ადამიანები გვანდობენ მათთვის უმნიშვნელოვანესი დღეების ვიზუალურ ნაწილს. ეს ჩვენი გუნდისთვის დიდი მოტივაციაა. თითოეული ღონისძიებისადმი ენთუზიაზმითა და ენერგიით სავსე მიდგომა გვაქვს, რათა დამკვეთის მოლოდინი სრულად გამართლდეს.

როგორი გამოხმაურება გაქვთ მომხმარებლისგან?

მომხმარებლები ძირითადად გამოხატავენ კმაყოფილებას და მადლიერებას ჩვენი კომპანიის მიმართ. სატელეფონო ზარების, სოციალური ქსელების საშუალებით, ჩვენი მომხმარებლების მხრიდან ვგრძნობთ ძალიან დიდ მხარდაჭერას და ნდობას, რაც ჩვენთვის მოტივაციის ამაღლების ძირითადი წყაროა. არაფერია იმაზე ძვირფასი, როდესაც იცი, რომ შენი საქმიანობით ადამიანებს ყვავილების სახით ბედნიერების თაიგულს უძღვნი.

რა სახის პროდუქციითა და დიზაინით ინტერესდება ყველაზე მეტად თქვენი მომხმარებელი?

ჩვენი თითოეული პროდუქტი არის ინდივიდუალური და მაქსიმალურად მორგებული მომხმარებლის მოთხოვნაზე.

მცირევადიანი გამოცდილებით რაც შემიძლია გითხრათ, არის ის, რომ მომხმარებლები ძირითადად ნეიტრალური ფერის ყვავილებს, მოცულობითსა და ორიგინალურად წარმოჩენილ თაიგულებს ირჩევენ, რომლებიც არ ჰგავს სტანდარტულ კომპოზიციებს.

რა არის თქვენი მთავარი ხელწერა? რომელი გზით ცდილობთ მომხმარებელს თავი დაამახსოვროთ?

უპირველეს ყოვლისა, ეს გახლავთ კომპანიის თანამშრომლების პროფესიონალიზმი. „მატისის ყვავილები“ გამოირჩევა როგორც უცხო სახეობებითა და ვიზუალით, ასევე, მათი სურნელია გამოსარჩევი, რაც განპირობებულია ყვავილების მოვლის პროცესით.

მოგეხსენებათ, მოჭრილი ყვავილების სიცოცხლისუნარიანობა დაბალია, რაც კიდევ უფრო მეტ სირთულესთან არის დაკავშირებული. ვინაიდან „მატისში“ ხარისხი პრიორიტეტულია, კვარტალურად ყვავილების მიღების რაოდენობა გაოთხმაგებულია სხვა სტანდარტულ შემთხვევებთან მიმართებაში.

„მატისში“ ქიმიური დანამატების გამოყენება და მათი მეშვეობით ყვავილების სიცოცხლის გახანგრძლივება, კომპანიის პოლიტიკიდან გამომდინარე, კატეგორიულად დაუშვებელია. შესაბამისად, „მატისის“ პროდუქტი სრულიად უვნებელია ნებისმიერი ასაკისა და კატეგორიის მომხმარებლისათვის. ჩვენ მიერ შექმნილი პროდუქტი ყოველთვის დადებით ემოციას იწვევს, რაც საუკეთესო მოგონების შექმნას უწყობს ხელს.

ამ სფეროში, გემოვნებასთან ერთად, რომელი თვისებაა მთავარი?

ვფიქრობ, გემოვნება ინდივიდუალურია, თუმცა შედეგი მოხერხებულობით, კრეატიულობითა და თავდაუზოგავი შრომით ფასდება.

რას ურჩევდით მომხმარებელს? რატომ უნდა შევიძინოთ „მატისის“ ყვავილები?

თუ გსურთ ყვავილის მეშვეობით გაუზიაროთ ადრესატს თქვენი ემოცია, „მატისი“ არის ამ იდეის განხორციელების ერთ-ერთი საუკეთესო საშუალება. მომხმარებელს ვურჩევთ, განსაკუთრებული მოთხოვნის შემთხვევაში, წინასწარ დაუკავშირდნენ კომპანიის წარმომადგენლობას, ვინაიდან მათი მოთხოვნის სრულყოფილად და ადეკვატურად დაკმაყოფილება შესაძლოა გულისხმობდეს მსოფლიოს რამდენიმე ქვეყნიდან პროდუქტის მოძიებასა და ტრანსპორტირებას.

გაგვაცანით სამომავლო გეგმები. აპირებთ ბრენდის გაფართოებას?

ბრენდი საკმაოდ სწრაფი ტემპით ვითარდება, ყოველდღიურად იზრდება ცნობადობა და შესაბამისად, მომხმარებელთა რიცხვიც. უამრავი საინტერესო გეგმა და იდეა გვაქვს, მაგრამ ამ ეტაპზე მხოლოდ ერთი შემიძლია გაგანდოთ: სულ მცირე დროის განმავლობაში დავნერგავთ ევროპაში აპრობირებულ, საკმაოდ წარმატებულ პრაქტიკას და „მატისს“ ვიხილავთ არაერთ ბრენდულ მაღაზიათა ქსელში.