57 წლის სელინ დიონმა გულშემატკივრებს სოციალური ქსელის დახმარებით მიმართა, რაც მისი დატვირთული გრაფიკის, ასევე ჯანმრთელობის მდგომარეობის გამო ძალიან იშვიათად ხდება. მომღერალმა 27 ნოემბრის საღამოს პირად ბლოგზე ოფიციალური ვიდეომიმართვა გამოაქვეყნა, სადაც გულშემატკივრებს მადლიერების დღე მიულოცა. ვიდეოში ის დასვენებული და შესანიშნავ განწყობაზე მყოფი ჩანდა.
„ძვირფასო მეგობრებო, დღევანდელი დღე შესანიშნავი შეხსენებაა, რომ ტემპი შეანელოთ, ღრმად ჩაისუნთქოთ და მადლიერება გამოხატოთ. რა უნდა იყოს იმაზე უკეთესი, რომ საყვარელი ადამიანები სუფრასთან შეკრიბოთ, ტელეფონით გაესაუბროთ ან უბრალოდ გულში გყავდეთ!“ – თქვა მომღერალმა.
ამის შემდეგ დიონმა ოჯახს, მათ შორის, სამ შვილს მხარდაჭერისთვის მადლობა გადაუხადა და თავის გულშემატკივრებს ბედნიერი დღესასწაული უსურვა.
„მე ძალიან მადლობელი ვარ ჩემი ოჯახისა და იმ წუთებისთვის, რომლებსაც ერთად ვატარებთ. ეს ჩემთვის ძალიან ბევრს ნიშნავს. გისურვებთ, რომ თქვენი მადლიერების დღე სიხარულითა და სიმშვიდით იყოს სავსე. ჩემი და ჩემი ოჯახის სახელით მადლიერების დღეს გილოცავთ თქვენ და თქვენს ახლობლებს“ – აღნიშნა მომღერალმა.
სელინ დიონი შვილებთან ერთად
შეგახსენებთ, რომ სელინ დიონი თანამედროვეობის ერთ-ერთი ცნობილი ვოკალისტია. მისი კარიერა 1980-იან წლებში დაიწყო, პოპულარობის პიკს კი 1988 წელს მიაღწია, როდესაც ევროვიზიის სიმღერის კონკურსზე შვეიცარია წარადგინა და სიმღერით Ne partez pas sans moi პირველი ადგილი დაიკავა. სელინ დიონს მიღებული აქვს „გრემი“ და „ოსკარი“ „ტიტანიკში“ საუნდტრეკების შესრულებისათვის. მომღერალი 2008 წლიდან საპატიო ლეგიონის ორდენოსანია. მსოფლიოში სელინ დიონის ჩანაწერების 200 მილიონზე მეტი ეგზემპლარი გაიყიდა.
2022 წლის დეკემბერში სელინ დიონს იშვიათი ნევროლოგიური დაავადება – გაშეშებული ადამიანის სინდრომი (Stiff Person Syndrome) დაუდგინდა, რომელიც თანდათან პროგრესირებს და კუნთების კრუნჩხვებს და ტკივილს იწვევს. მომღერლის შესახებ დოკუმენტური ფილმი I Am: Celine Dion გადაიღეს, სადაც ის თავის დაავადებასთან ბრძოლის შესახებ საუბრობს.
ბევრისთვის მოულოდნელი იყო, რომ მძიმედ დაავადებული დიონი 2024 წელს პარიზში, ოლიმპიური თამაშების გახსნაზე გამოჩნდა და ედიტ პიაფის Hymne a l’amour იმღერა. ეს 2020 წლის შემდეგ დიორის სცენაზე გამოსვლის პირველი შემთხვევა იყო.
Посмотреть эту публикацию в Instagram
ასევე დაგაინტერესებთ
