პოპვარსკვლავმა დუა ლიპამ სამხრეთკორეულ ტექნოლოგიურ კომპანიას Samsung-ს სასამართლოში უჩივლა და 15 მილიონ დოლარზე მეტი კომპენსაცია მოითხოვა. მომღერლის თქმით, კომპანიამ მისი გამოსახულება ტელევიზორების სარეკლამო კამპანიასა და პროდუქტის შეფუთვაზე ნებართვისა და ანაზღაურების გარეშე გამოიყენა.
სარჩელის მიხედვით, საუბარია ფოტოზე, რომელიც 2024 წელს ოსტინში გამართულ მუსიკალურ ფესტივალზე კულისებში იყო გადაღებული. დუა ლიპას იურისტები აცხადებენ, რომ არტისტს ფოტოს გამოყენებაზე არც თანხმობა მიუცია და არც პროცესზე ჰქონია რაიმე კონტროლი.
Billboard-ის ინფორმაციით, Samsung-მა ბრალდებებს ოფიციალური განცხადებით უპასუხა. კომპანიის თქმით, დუა ლიპას გამოსახულება მხოლოდ მას შემდეგ გამოიყენეს, რაც მესამე პირისგან მკაფიო გარანტია მიიღეს, რომ ყველა საჭირო ნებართვა უკვე უზრუნველყოფილი იყო. კომპანია უარყოფს გამოსახულების განზრახ არასწორ გამოყენებას და აცხადებს, რომ პატივს სცემს არტისტების ინტელექტუალური საკუთრების უფლებებს.
Samsung უარყოფს გამოსახულების განზრახ არასწორ გამოყენებას და აცხადებს, რომ პატივს სცემს დუა ლიპასა და სხვა არტისტების ინტელექტუალური საკუთრების უფლებებს. კომპანიამ ასევე აღნიშნა, რომ მზადაა მომღერლის გუნდთან კონსტრუქციული შეთანხმებისთვის.
ცნობილია, რომ დავის დაწყებამდე, 2025 წლის ივლისში, Samsung-მა შეფუთვის წარმოება შეაჩერა, დიზაინი შეცვალა და მედიაციის პროცესი დაიწყო, თუმცა მხარეებმა შეთანხმებას ვერ მიაღწიეს და საქმე სასამართლოში გადავიდა.
