33 წლის მომღერალი, Rihanna არაჩვეულებრივი გემოვნებით და ჩაცმის სტილით გამოირჩევა. მუსიკალური კარიერის გარდა მან სახელი შესანიშნავი იმიჯით გაითქვა. დიდი პოპულარობიდან გამომდინარე გასაკვირი არ არის ის ფაქტი, რომ პაპარაცები მას მუდმივად დაჰყვებიან, თუმცა ის ფანებს იმედებს არასოდეს უცრუებს და მუდამ შესანიშნავად გამოიყურება. გამონაკლისი არც უკანასკნელი შემთხვევა გამხდარა, როდესაც ის სანტა-მონიკაში მდებარე, პრესტიჟულ იტალიურ რესტორანს, Giorgio Baldi-ს ესტუმრა.
მომღერალმა არჩევანი შავი ფერის იმიჯზე შეაჩერა. მას ტოპი და ტყავის ქვედაბოლო ეცვა, რომელსაც ამავე ფერის მოსაცმელი, ტყავის ჩანთა და მაღალქუსლიანი ფეხსაცმელი შეუხამა. იმიჯის სრულყოფილებაში მოსაყავანად კი მან მზის, ბეჟი სათვალე და ონიქსის ქვის ბეჭდები შეარჩია.
