დღეს გიამბობთ კომპანია რემსის შესახებ, რომელიც დეველოპერულ კომპანიებს სრულ აუთსორს სერვისს სთავაზობს. ის მოიცავს ისეთ მომსახურებებს, როგორიცაა: ბაზრის ანალიზი, კონცეფციის შექმნა, არქიტექტურა, გაყიდვები, მარკეტინგი და ფინანსები. კომპანიის მთავარი უპირატესობაა პროფესიონალიზმი, სისტემური მიდგომა და ინოვაციური გადაწყვეტილებები. REMC-თან თანამშრომლობით, დეველოპერები იღებენ სტაბილურ და ეფექტურ პარტნიორს. აღნიშნული თემაზე უფრო ვრცლად კომპანიის დამფუძნებელი თენგო ყაზიშვილი გვესაუბრა.
თენგო, როგორი იყო თქვენი განვლილი გზა? და დღეს რას საქმიანობთ?
2016 წელს დავაფუძნე მარკეტინგული კომპანია „სტუჯექსი“. ამ წლების განმავლობაში 100-მდე პროექტზე ვიმუშავეთ და დღემდე აქტიურად ვაგრძელებთ განვითარებას.
ბოლო 3 წლის განმავლობაში აქტიური შეხება მქონდა სამშენებლო კომპანიებთან და ამ სფეროში მოღვაწე ხალხთან. რაც უფრო დავინტერესდი და ღრმად გავეცანი ამ სფეროს, მით უფრო მეტი პრობლემა და ახალი შესაძლებლობები დავინახე. სწორედ ამიტომ, პარტნიორებთან ერთად შევქმენი კომპანია – რემსი, რომელიც აუთსორსინგ სერვისებს უწევს დეველოპერულ კომპანიებს. ვემსახურებით იდეის ფორმირებიდან პროექტის საბოლოო დასრულებამდე ყველა ეტაპს, რაც კომპანიებს საშუალებას აძლევს, ოპტიმიზაცია გაუკეთონ პროცესებს, დაზოგონ დრო და მიიღონ უკეთესი შედეგი.
რემსი სთავაზობს დეველოპერებს ისეთ სერვისებს როგორიცაა: ბაზრის ანალიზი, კონცეფციის შექმნა, არქიტექტურა, გაყიდვები, მარკეტინგი და ფინანსები. ეს სერვისები განკუთვნილია დეველოპერებისთვის, თუმცა ინვესტორებისთვისაც გვაქვს საინტერესო მიმართულება, სადაც ვთავაზობთ პროექტებს, რომელშიც მომგებიანია ინვესტიციის განხორციელება.
რა არის ,,რემსის’’ მთავარი უპირატესობა?
ჩვენი მთავარი უპირატესობა არის პროფესიონალიზმი, სისტემური მიდგომა და ინოვაციური გადაწყვეტილებები, რომლებიც სრულად აკმაყოფილებს ჩვენი კლიენტების საჭიროებებს. REMC-თან თანამშრომლობით, დეველოპერები იღებენ სტაბილურ და ეფექტურ პარტნიორს.
აღსანიშნავია, რომ 14-16 აპრილს ვმონაწილეობდით დუბაის მსოფლიო უძრავი ქონების გამოფენაზე. გვქონდა არაერთი შეხვედრა ინვესტორებთან, მათ გავაცანით საქართველოს პოტენციალი. ამასთანავე ადგილობრივ დეველოპერებთან დავდეთ კონტრაქტები, უკვე შეგვიძლია დუბაიში ბინის შეძენის მსურველებისთვის პროცესი უფრო მარტივი გავხადოთ.
სამომავლო გეგმებიც სწორედ დუბაის უკავშირდება, სულ მალე ამ ბაზარზეც აქტიურად დავიწყებთ მუშაობას. ამ ეტაპზე მიმდინარეობს მოლაპარაკებები.
რა ძირითადი გამოწვევებს ხედავთ დღეს სამშენებლო აუთსორსინგში?და როგორი იქნება ,,რემსის’’ როლი ?
ბოლო პერიოდში საგრძნობლად შეიცვალა ბაზარი, სწორედ აქ გაჩნდა ,,რემსის’’ ჩართულობა საჭირო, რაც გულისხმობს იმას, რომ ბაზარზე ჭარბადაა მოწოდებული სტანდარტული პროექტები, დეველოპერებს კი მოუწიათ განსხვავებული პროექტების შექმნა და სხვა კონცეფციაზე წასვლა, რამაც პროექტის თვითღირებულება გაზარდა. შეიძლება ითქვას, ბერად მეტი გახდა დეველოპერის მხრიდან სამუშაო, მომხმარებლისთვის ეს ყველაფერი რომ აღქმადი იყოს, სწორედ ამაზე მუშაობს რემსი, რათა მომხმარებლამდე სწორად მიდიოდეს ეს ინფორმაცია.მნიშვნელოვანია, პოტენციურმა დამკვეთმა კარგად გაიაზროს პროექტის არსი და ხიბლი, და დიდ კონკურენციაში სწორად შეარჩიოს თავისთვის საჭირო პროექტი.
რა გიბიძგებთ,რომ განვითარდეთ?
ყველაზე დიდი მოტივატორი ჩემი თავისთვის თავად მე ვარ, ასევე ჩემი თანამშრომლები. ჩემთვის უდიდესი პასუხისმგებლობაა, მათ განვითარებაზე ზრუნვა.
მაქსიმალისტი ხართ?
რა თქმა უნდა, მაქსიმალისტი ვარ, დღეში 12 საათი ვმუშაობ. ვცდილობ დღევანდელი დღე ყოველთვის სჯობდეს წინას. მიღწეული შედეგები კი ყოველთვის გავაუმჯობესო.
რა რჩევას მისცემდით კარიერისა და საქმიანობის საწყის ეტაპზე მყოფ ადამიანებს?
რეალურად პირველი ნაბიჯები ყოველთვის რთულია, თუმცა აუცილებლად მოვა წარმატება, თუ ჩადებ დიდ შრომას, გააკეთებ იმაზე მეტს ვიდრე სხვა, აუცილებლად გექნებათ ის ცხოვრება, როგორიც გინდათ. საკუთარი გამოცდილებით ვადასტურებ ამას.
