OK! რომ მუდმივად სიახლეებით ანებივრებს მის მკითხველს ეს ახალი არავისთვისაა. ამჯერად განსაკუთრებული ამბით დაგიბრუნდით – ჟურნალი OK! თავისი ერთ-ერთი გამორჩეული პროექტის, OK! ქუთაისის, რიგით მე-2 გამოცემას, მაისის თვისთვის აანონსებს, რომლის მოწვეული რედაქტორი, თეკლა ბაბუნაშვილია.
ქუთაისი ხომ საქართველოს ერთ-ერთი გამორჩეული კუთხეა, მისი კულტურითა და ღირსშესანიშნაობებით, სწორედ ამიტომ აუცილებლად იმსახურებს მის კიდევ ერთხელ წარმოჩენას, რაშიც მისი მაცხოვრებლები უფრო უკეთ დაგვეხმრებიან.
”ვარსებობთ იღბლიანი ადამიანები, რომელთაც ამ ქალაქის სიყვარული გვაერთიანებს და მთელი ძალისხმევით ვცდილობთ ჩვენი მშობლიური ქალაქის შენების პროცესში საკუთარი წვლილის შეტანას. მე ბედნიერი ვარ რომ, მაქვს შესაძლებლობა ჩემი თვალით დანახული ქუთაისი გაჩვენოთ. ქუთაისი არის ეროვნული სულის ევროპული ქალაქი, მსოფლიოს უძველესი, თუმცა მარად ახალგაზრდა და ჩვენი ქვეყნის მომავლის საყრდენი. ჩემთვის, ეს ქალაქი ნამდვილად არის საქართველოს ფილოსოფიური სიმაღლე, ჩვენი ქვეყნის ევროპული მომავლის შემქნელი. რაც მთავარია, არ მგონია, რომ ჩემი ქალაქის შეფასებისას ვარ სუბიექტური. ეს არის მოცემულობა, რომელზეც ერთპიროვნულად ყველა ვთანხმდებით.
OK! ქუთაისის მომდევნო ნომერში გპირდებით ბევრ სიახლეს, ცნობილი და უცნობი ადამიანების შესახებ საინტერესო ცხოვრებისეულ ისტორიებს, გავიხსენებთ ადამიანებს, რომლებმაც შექმნეს ამ ქალაქის შორეული თუ უახლესი ისტორია. ასევე, გავიგებთ ქალაქის დიდი მიღწევების შესახებ საერთაშორისო მასშტაბებით” – აღნიშნა პროექტის რედაქტორმა და აქვე არაერთი სიახლე დააანონსა.
შეგახსენებთ OK! ქუთაისი პირველად 2023 წლის მაისის თვეში გამოიცა.
ჟურნალის პრეზენტაცია კი სასტუმრო Tskaltubo Plaza Hotel-ში გაიმართა, რომელსაც უამრავი ცნობილი და წარმატებული ადამიანი ესწრებოდა.
მაშ ასე, მალე OK! ქუთაისის ძალიან საინტერესო ამბებით დაგიბრუნდებით.
