Puppetry მომხმარებელს სთავაზობს განსხვავებულ და ბავშვების ინტერესებზე მორგებულ თოჯინების თეატრს, რომელიც მოიცავს ხელნაკეთ თოჯინების თეატრს, ზღაპრის წიგნს და თეატრის ბილეთებს. Puppetry-ს პროდუქციას გამოარჩევს ფერადი და განსხვავებული დიზაინი, რაც ყველაზე მეტად მოსწონთ პატარებს. მნიშვნელოვანია ისიც, რომ აღნიშნული პროდუქცია ბავშვების განვითარებას მნიშვნელოვნად უწყობს ხელს. დეტალური ინფორმაციისთვის OK! გაესაუბრა Puppetry-ს აღმასრულებელ დირექტორს, ნანო მიქელაშვილს.
გვიამბეთ Puppetry-ს შექმნის ისტორია.
პანდემიის დროს, როგორც ყველა, მეც სრულ ვაკუუმში აღმოვჩნდი. მყავს სამი მცირეწლოვანი ბავშვი და სწორედ მათ მომაწოდეს იდეა, შემექმნა თეატრი და სათამაშოები. ვფიქრობ, დღევანდელ ბავშვებს ამ სახის განმავითარებელი მოწყობილობები სჭირდებათ, რათა გამოხატონ საკუთარი თავი, ნაკლები დრო გაატარონ კომპიუტერთან და მეტი მშობლებთან. აქვე მინდა ვახსენო usaid yes Georgia და ფონდი კრისტალი, ალბათ მათი დახმარების გარეშე ჩემს იდეას ფრთებს ვერ შევასხამდი.
გვესაუბრეთ თქვენს პროდუქციასთან დაკავშირებით.
ხელით შეკერილ თეატრსა და თოჯინებს მთელი გულით ვამზადებთ ჩვენი მომხმარებლებისთვის, ვარჩევთ პროდუქციას იმისდა მიხედვით, თუ რა სურთ ბავშვებს, დიდ ყურადღებას ვაქცევთ ხარისხს და გამძლეობას. გვინდა, რომ ახალი თაობა დაინტერესდეს წიგნებით, თეატრით და ზოგადად გამოხატვის თავისუფლებით, ყველას თავისი პატარა სცენა ჰქონდეს, სადაც მთავარი გმირი თვითონ იქნება. მომხმარებელი შეკვეთიდან საშუალოდ ორ დღეში მიიღებს პროდუქტს, კომპლექტი მოიცავს ყუთს (რომელშიც თეატრია მოთავსებული), თეატრს, თოჯინებს, კონკრეტული ზღაპრის წიგნს და თეატრის ბილეთებს. ყველაზე მთავარი ის არის, რომ ჩვენი თეატრების სერია განგრძობითი ხასიათისაა, რაც მოიცავს სხვადასხვა ზღაპრების გმირების დამატებას, ერთგვარი კოლექციის შექმნას. ასევე ვქმნით სხვადასხვა საკარნავალო კოსტიუმებსა და სათამაშოებს და გამოვირჩევით ფერადი და განსხვავებული დიზაინით.
მუშაობის პროცესში თქვენს ძირითად პრინციპს რა წარმოადგენს?
ყველაზე მნიშვნელოვანი არის მომხარებლის ნდობა და დადებითი გამოხმაურებები, ამისთვის ყველაფერს ვაკეთებთ.
სამომავლო გეგმები.
ძალიან გვინდა მოვაწყოთ წიგნის კითხვის დღეები, როდესაც შევხვდებით ჩვენს მომხმარებლებს და ერთად გავეცნობით სიახლეებს, გავუზიარებთ შთაბეჭდილებებს და დავგეგმავთ მომავალ ღონისძიებებს. ბავშების ნათელი მომავლისთვის და მეტი ფერადი დღეებისთვის ვზრუნავთ და ვარსებობთ, ბედნიერები ვიქნებით, თუკი ერთ მათგანს მაინც გავუხალისებთ ცხოვრებას.
საკონტაქტო ინფორმაცია:
https://www.facebook.com/Tinypuppettheatre
592401907
ტექსტი: მარიამ მთივლიშვილი
