,,მარკ ო’პოლო”-ს პირველი ოფიციალური ფრანჩაიზინგული მაღაზია აპრილის დასაწყისში სავაჭრო ცენტრ – გალერია თბილისში გაიხსნება. ეს იქნება განსხვავებული კონცეფციის – SKANDINAVIA STUDIO მაღაზია, რომლის მსგავსიც ბრენდს ევროპის სულ რამდენიმე ქვეყანაში აქვს. ქართველ მომხმარებელს კი აპრილის თვიდან შეეძლება სკანდინავიური სტილის მორგება.
ბრენდის სლოგანი – „თავისუფლება, თვითგამოხატვისთვის“ კარგად იგრძნობა მის თანამედროვე სტილში, რომელსაც სადა და დახვეწილ სილუეტი ჰარმონიულად ერწყმის.
შვედურ ბრენდს ,,Marc O’Polo’’-ს საქართველოში კომპანია ,,დრესარიუმი’’ წარადგენს. აღნიშნული კომპანია ბაზარზე 2018 წლიდან წარმატებით ოპერირებს და წარმოადგენს ისეთ საერთაშორისო ბრენდებს, როგორებიცაა: Hackett, Pepe Jeans, Lascana, Lion Of Porches, Mayoral და Original Marines.
პრემიუმ კლასის, დახვეწილ ყოველდღიური ტანსაცმლის ბრენდი ,,Marc O’Polo’’ 1967 წელს სტოკჰოლმში დაარსდა. აღნიშნული ბრენდი უპირატესობას ანიჭებს ბუნებრივი და მაღალი ხარისხის მასალებს, რომელიც მის ყველა დეტალში იგრძნობა.
აღსანიშნავია, რომ ,,მარკ ო’პოლოს’’ კაპიტალიზაცია ნახევარ მლრდ დოლარს აღწევს და მსოფლიო მასშტაბით 2 000-ზე მეტ მაღაზიას აერთიანებს. ის ასევე, გამოირჩევა განსაკუთრებული სოციალური პასუხისმგებლობებით. ბრენდის მიერ წარმოებული ტანსაცმლის 70% მდგრადი მასალითაა შექმნილი და ნელ-ნელა აღნიშნული მაჩვენებლის გაუმჯობესება ხდება.
მის: სავაჭრო ცენტრი გალერია თბილისი, მე-2სართული.
