ალბათ ყველას გახსოვთ კინოინდუსტრიის ერთ-ერთი ყველაზე პრესტიჟული ღონისძიების “ოსკარების” რიგით 94-ე დაჯილდოება, რომელზეც საზოგადოების ყურადღება საღამოს ტრიუმფატორების, მათი პრიზებისა და სტუმრების ჩაცმულობის ნაცვლად ინციდენტმა მიიპყრო, რომელიც პირდაპირ სცენაზე მოხდა. მას შემდეგ, რაც კრის როკმა მონოლოგის დროს ჯეიდა პინკეტ სმიტის თმაზე იხუმრა, უილ სმიტმა მას სილა გააწნა. მსახიობმა ინციდენტის შემდეგ რამდენიმე წუთში ოსკარი ფილმ King Richard-ში კაცის როლის საუკეთესოდ შესრულებისთვის მიიღო, რის შემდეგაც დრო ბოდიშის მოსახდელადაც იხელთა.
მიუხედავად არაერთი ბოდიშისა, როგორც ჩანს კინოაკადემიამ გადაწყვეტილება მიიღო, რომ დაჯილდოვებაზე მომხდარ ინციდენტებს ახლახანს შექმნილი კრიზისის მენეჯმენტის გუნდი მოაგვარებს. “ოსკარების” 95-ე დაჯილდოება 12 მარტს გაიმართება და მისი წამყვანი ჯიმი კიმელი იქნება. კრიზისის მენეჯმენტის გუნდი მაქსიმალურად ეცდება, რომ შარშანდელის მსგავსად დაჯილდოებაზე ინციდენტი აღარ მოხდეს.
JIMMY KIMMEL
