ლეგენდარული მსახიობი, კეტრინ ო’ჰარა 71 წლის ასაკში გარდაიცვალა – ინფორმაციას TMZ ინფორმირებულ წყაროებზე დაყრდნობით ავრცელებს.
კეტრინმა განსაკუთრებული პოპულარობა ფილმში „მარტო სახლში“ კევინის დედის და ტელესერიალში Schitt’s Creek მოირა როუზის როლებით მოიპოვა.
ო’ჰარა ასევე ცნობილია თავისი კომედიური ნამუშევრებით „Second City Television“ (1976–1984) და „Schitt’s Creek“ (2015–2020) და ფილმებში, როგორიცაა „სამსახურის შემდეგ“ (1985), „ბიტლჯუსი“ (1988) და მისი გაგრძელება „ბიტლჯუსი ბიტლჯუსი“ (2024). „მარტო სახლში“ (1999) და გაგრძელება „მარტო სახლში 2: დაკარგული ნიუ იორკში“ (1992). მან ითამაშა ასევე პაროდიულ ფილმებში, რომლის სცენარი და რეჟისურა კრისტოფერ გესტს ეკუთვნის. ესენია: „გაფმანის მოლოდინში“ (1996), საუკეთესო შოუში (2000), „ძლევამოსილი ქარი“ (2003) და „თქვენი ყურადღებისთვის“ (2006).
მსახიობმა მიიღო რამდენიმე პრესტიჟული ჯილდო, მათ შორის ემი და ოქროს გლობუსი.
კეტრინ ო’ჰარა ტორონტოში, 1954 წელს დაიბადა. მსახიობის კარიერა 1970-იან წლებში დაიწყო და მალე ჰოლივუდის ერთ-ერთ ცნობილ კომიკოსად იქცა.
ცნობისთვის, „მარტო სახლში“ კეტრინის პარტნიორი და კევინის მამის როლის შემსრულებელი ჯონ ჰერდი 2017 წელს, 72 წლის ასაკში გარდაიცვალა.
კეტრინ ო’ჰარას ოჯახს ჯერ არ გაუვრცელებია ინფორმაცია მსახიობის გარდაცვალების მიზეზის შესახებ.
ასევე დაგაინტერესებთ
