რუბრიკა OK! მენეჯერის სტუმარია OK! Magazine – ის მარკეტინგისა და გაყიდვების მენეჯერი ზუკა ხავთასია. ახალგაზრდა, ნიჭიერი და მიზანდასახული ადამიანი, რომელიც არ უშინდება გამოწვევებსა და სიახლეებს. ახალი იდეების გენერირება და სისრულეში მოყვანა მისი ძლიერი მხარეა, რაც თავისმხრივ კომპანიის განვითარებაზე ისახება.
გზა, რომელიც დღევანდელ დღემდე გაიარეთ
პროფესიით ფსიქოლოგი ვარ. მიუხედავად ძალიან საინტერესო და დღევანდელ დროს განსაკუთრებით საჭირო პროფესიისა, სწავლის პარალელურად ჩემს ცხოვრებაში შემოიჭრა უცხო, თუმცა ძალიან საინტერესო და მრავალფეროვანი სფერო – მარკეტინგი.
ერთდროულად სასიხარულო და საპასუხისმგებლო იყო, როდესაც GEORGIA TODAY–ის ჰოლდინგში, კერძოდ ჟურნალ OK! – ში აღმოვჩნდი. მადლიერი ვარ ყველა ადამიანის, ვინც ჩემში ის უნარები აღმოაჩინა, რომლის შესახებაც თავადაც არაფერი ვიცოდი – გამოუცდელს მენდნენ და მასწავლეს. უკვე 2 წელზე მეტია, რაც პროფესიონალებით დაკომპლექტებული გუნდის წევრი ვარ, გუნდის, რომელმაც გაუძლო უამრავ გამოწვევას და ქმნის ხარისხიან პროდუქტს. ამ ორი წლის მანძილზე, შასაძლებლობა მქონდა ჩავრთულიყავი ივენთების ორგანიზებაში, ასევე მეთანამშრომლა სხვადასხვა კომპანიასთან დამოუკიდებელი პროექტების სახით და რაც ყველაზე მთავარია, მომეცა შესაძლებლობა გავმხდარიყავი სხვადასხვა კომპანიის თუ კერძო პირების კონსულტანტი და დამეგეგმა საინტერესო მარკეტინგული აქტივობები.
თქვენი პირველი პროფესია – ფსიქოლოგობა რამდენად გეხმარებათ ყოველდღიურ საქმიანობაში?
ყოველდღიურად სხვადასხვა ტიპის ადამიანთან მიწევს კომუნიკაცია და ალბათ ჩემი პირველადი პროფესიის დახმარებით, უფრო მარტივად ვგრძნობ იმ ენერგიასა და დამოკიდებულებას, რომელსაც ისინი საქმის მიმართ იჩენენ. ვფიქრობ, ენერგეტიკას უდიდესი გავლენა აქვს ჩვენს ყოფაზე და თუკი შენი საქმე გიყვარს დადებითი ენერგიის მატარებელი ხდები და შენდა უნებურად აზიარებ კიდეც მას. ამ ორი პროფესიის გაერთიანებით ვაკეთებ საქმეს, რომელიც მაბედნეირებს.
როგორ ფიქრობთ რა არის მთავარი წარმატების მისაღწევად?
ვფიქრობ, არ არსებობს წარმატების მისაღწევად კონკრეტული ფორმულა, თუმცა მთავარია გაანალიზო, რომ ყველა საქმე უდიდეს შრომასა და საკუთარ თავის რწმენას მოითხოვს – ,,ყველაფერი მიღწევადია, რაც კი ჩვენს გონებას შეუძლია წარმოიდგინოს”.
გარდა ამისა, აუცილებელია მოტივაცია, სწორედ ამიტომ მნიშვნელოვანია, არ დავიშუროთ დადებით სიტყვები ერთმანეთის მიმართ, რადგან ჩვენმა მამოტივირებელმა ერთმა სიტყვამ შესაძლოა დიდი წვლილი შეიტანოს ადამიანის განვითარებასა და წარმატებაში.
რას ურჩევდით მათ, ვინც ახლა იწყებენ კარიერას?
ისწალეთ და არ შეწყვიტოთ განვითარება, დაისახეთ მიზნები და ორიენტირდით მის შესრულებაზე, გამოიჩინეთ ინიციატივები და არ მოგერიდოთ საკუთარი აზრის დაფიქსირების.
სამომავლო გეგმები გაგვიზიარეთ
მშობლიურ OK!-თან ერთად, დღეს გამოწვევაა საქართველოში ყველაზე გავლენიანი ინგლისურენოვანი გამოცემის GEORGIA TODAY-ის გუნდის წევრობა. მჯერა, რომ წინ კიდევ უფრო საინტერესო თავგადასავალი მელოდება. რაც შეეხება უახლოეს გეგმას, მსურს აკადემიური განხრით გავაგრძელო განვითარება.
