წამოგიდგენთ OK! მენეჯერის რუბრიკის სტუმარს მომსახურების და გაყიდვების სფეროს წარმომადგენელს ანი ლორთქიფანიძეს, რომელიც რამდენიმე სასტუმროს კლასტერული გაყიდვების მენეჯერია და პარალელურად მუდმივად განვითარებისა და ცოდნის გაღრმავებისკენ მიისწრაფვის. წინ უამრავი გეგმა და მიზანი აქვს, რომელთა შესახებაც თავად გვიამბობს.
გაგვეცანით და გვიამბეთ თქვენი საქმიანობის შესახებ
მე ვარ ანი ლორთქიფანიძე, სასტუმროების Tbilisi Saburtalo Hotel by Mercure, Tbilisi Philharmonic by Mercure Hotel, ibis Styles Tbilisi Center, ძირითადი კლიენტების ჯგუფური გაყიდვების და MICE კლასტერული მენეჯერი. სამივე ბრენდი ერთიანდება მსოფლიოში წამყვანი საერთაშორისო ფრანგული სასტუმროების კომპანიის ქვეშ.
ასევე, ნამდვილად სასიამოვნოა ჩემთვის, როდესაც აღვნიშნავ, რომ ვარ დედა, მეუღლე და შვილი და ჩვენი არაჩვეულებრივი ქვეყნის საქართველოს მოქალაქე.
გზა, რომელიც დღევანდელ დღემდე გაიარეთ. თქვენი სამუშაო გამოცდილების შესახებ.
თითქმის ორი წელია, რაც სტუმართმასპინძლობის სფეროთი და ზოგადად სასტუმროს ბიზნესით დავინტერესდი და დღემდე ეს ინტერესი აორმაგებს სურვილს, უფრო მეტი გამოცდილება და ცოდნა შევიძინო, რაც ამავდროულად ძალიან მომწონს.
თუ არ ჩავთვლით სტუდენტობის პერიოდში, როგორც საქართველოში ასევე აშშ-ში რამოდენიმე კომპანიაში მცირე ხნით მუშაობას, ჩემი პირველი და სერიოზული სამსახური, სადაც 10 წელი დავყავი არის – სს „ენერგონი“ საქართველოში ერთ-ერთი საუკეთესო სამშენებლო კომპანია ენერგეტიკის სექტორში. ამ პერიოდში, მონაწილე ვიყავი ისეთი საერთაშორისი პროექტების განხორციელებაში, რომელიც პირდაპირ კავშირშია ჩვენი ქვეყნის ეკონომიკის განვითარებასთან, რითაც დღემდე ძალიან ვამაყობ. ჩემი პირველი, პროფესიით რაც არის – ადამიანური რესურსების მენეჯმენტის ფსიქოლოგია არასოდეს მიმუშავია, თუმცა ეს ცოდნა მეხმარებოდა სხვადასხვა კარიერულ ეტაპზე ჩემთვის სწორი გადაწყვეტილებების მიღებაში. ამიტომ მუშაობის პარალელურად ვსწავლობდი მაგისტრატურაზე ბიზნეს ადმინისტრირების მენეჯმენტის ფაკულტეტზე და ასევე, ვმუშაობდი პროექტების ადმინისტრაციის მენეჯერულ პოზიციაზე.
ფაქტობრივად ახლა, დაიწყო ჩემი ცხოვრების ახალი ეტაპი, რადიკალურად განსხვავებულ სფეროში, რამაც ძალიან დამაინტერესა, ადამიანებთან ურთიერთობა და გუნდური მუშაობა მაინც საერთოა. თუმცა სტუმართმასპინძლობა საქართველოში მცხოვრებისთვის ალბათ არ არის უცხო. ჩვენი ყოველდღიურობა და თუნდაც ქვეყნის კულტურა ზუსტად ამ სფეროში მაღალ სტანდარტზე დგას, ამიტომ მე კიდევ უფრო მეტი ენთუზიაზმით და სიყვარულით ვაკეთებ ჩემს ამჟამინდელ საქმეს. მადლობელი ვარ იმ ადამიანების ვინც მომცა ეს შესაძლებლობა და დაინახა ჩემში ის უნარები, რომ მე ამ საქმეს თავს კარგად გავართმევდი.
როგორ ფიქრობთ რ აარის მთავარი წარმატების მისაღწევად? როგორ ვიპოვოთ საყვარელი საქმე?
რა თქმა უნდა არ არსებობს ერთი სტანდარტული ფორმულა საქმეში წარმატების მისაღწევად, ვისთვისაც იგივენაირად იმუშევებს. წარმატებაც ინდივიდუალურია და მისი მიღწევის გზაც განსხვავებულია. ალბათ, ყველაზე მნიშვნელოვანია როდესაც სურვილი და არჩეული საქმიანობა ერთმანეთს ემთხვევა, რაც ადამიანს ბედნიერს გხდის, შინაგან სიძლიერეს გაძლევს და შემდგომ უფრო მარტივია კარიერული წინსვლაც.
ასევე, ძალიან მნიშვნელოვანია როგორ გარემოში გიწევს ყოფნა. როდესაც მუშაობ დიდ კომპანიაში, მხოლოდ ერთი თანამშრომელი ვერ იქნება წარმატებული, ყველა თანამშრომლის წარმატება ერთმანეთზეა გადაჯაჭვული. ამიტომ მნიშვნელოვანია ხელმძღვანელმა აირჩიოს სწორი სტრატეგია და შეარჩიოს ის თანამშრომლები ვინც ყველაზე ეფექტურია ამა თუ იმ დავალების შესრულებაში. მე უფრო მოქნილი მიდგომების მომხრე ვარ საქმეში, რომელსაც თავად ქმნი მენეჯერი კონკრეტული ადამიანის გამოცდილების და პიროვნული თვისებების საფუძველზე. მხარდაჭერა ყველა პოზიციაზე აუცილებელია, რომელსაც დადებითი უკუკავშირი აქვს.
რას ურჩევდით მათ, ვინც ახლა იწყებენ კარიერას?
პირველ რიგში ყველას ვინც ახლა დგავს კარიერაში პირველ ნაბიჯებს, წარმატებებს ვუსურვებ. ალბათ არ უნდა შეეშინდეთ ცვლილებების საქმეში. გახდე საქმის პროფესიონალი აუცილებელია თავდაუზოგავი შრომა და სწავლა. ყველა დროს და პოზიციას თავისი ხიბლი აქვს. უმჯობესია ისეთი საქმიანობა აირჩიონ და შესაბამისად მიზანი ისე დაისახონ, რაც მათ ნიჭს კიდევ უფრო განავითარებს და ცხოვრებას გაუხალისებს, რადგან მხოლოდ ვალდებულებისთვის მუშაობას და წლების რაოდენობას არ მოაქვს სიკეთე არც კომპანიისთვის და არც წარმატება საკუთარი თავისთვის.
როგორია თქვენი მიზნები და სამომავლო გეგმები?
ამ ეტაპზე ჩემი მიზანიც და მოტივაციაც ჩემი ცოდნის გაღრმავებაა ამ სფეროში და ჩემი კომპანიის წარმატებების მიღწევაში საკუთარი წვლილის შეტანა. სამივე სასტუმრო განსხვავებული სტილით გამოირჩევა, შესაბამისად სამუშაო გეგმაც რთულია, რაც მოითხოვს განსხვავებულ იდეებს და შესაძლებლობებს რის განხორციელებასაც ვგეგმავთ.
