გუგა ქაშიბაძეს ქართველი ხალხი პლასტიკური ქირურგიის პროფესიით იცნობს. თუმცა მის ყოველდღიურობაზე, ჰობზე, სამსახურის გარეთ არსებულ ინტერესებსა თუ განტვირთვის საშუალებებზე ხალხმა ნაკლებად იცის. გაიცანით OK! MEN – ის სტუმარი გუგა ქაშიბაძე სხვა რაკურსით, იგი OK!-ის ინტერვიუში მოგვიყვება იმ ყველაფერზე, რაც საზოგადოებამ მის შესახებ ნაკლებად იცის…
როგორია გუგა ქაშიბაძის, როგორც ექიმის, ერთი დღე?
სადღაც 6 საათზე უკვე ფაქტობრივად ფეხზე ვარ. სამსახურში ვცდილობ ადრე მივიდე, რადგან ვერ ვითმენ, პაციენტებს არ ვნახავ.
რა ადგილს იკავებს ფიზიკური აქტივობა თქვენს ცხოვრებაში?
კვირაში რამდენიმე სპორტს ვუთმობ ადგილს. ეს არის ველოსიპედი ზაფხულში და კარგ ამინდში. ზამთარში თხილამურებით და სნოუბორდის სრიალით ვარ დაკავებული. ასევე ვარ მოყვარული მთამსვლელი და პარაპლანითაც დავფრინავ. ვცდილობ, რომ სიამოვნება მივიღო და მთასთან ახლო კონტაქტი დავამყარო, რადგან ვთვლი, რომ ეს ყველაფერი ძალიან მეხმარება.
სამსახურის გარეთ რა საქმით ხართ დაკავებული?
მოყვარული მხატვარი ვარ და ამ მხრივ არანაირი განათლება არ მიმიღია. ამ წუთას ქანდაკებაში ვცდილობ რაღაცების გაკეთებას ჩემთვის ვერთობი და ეს გატაცება მაქვს. ძალიან საინტერესოა ეს სფერო და დიდ სიამოვნებას მანიჭებს როდესაც ქანდაკებების შექმნით ვკავდები. რაც შეეხება ხატვას, მხატვრობა ჩემს ძირითად საქმიანობაში მეხმარება და პირიქით, პლასტიკური ქირურგია მხატვრობაში. როდესაც თავისუფალი დრო მაქვს, ოჯახის შემდეგ ეს ყველაზე დიდი განტვირთვაა ჩემთვის.
რას ნიშნავს თქვენთვის თქვენი პროფესია?
მიუხედავად იმისა, რომ მძიმე სამუშაო გვაქვს ექიმებს, მახსენდება ჩემი ფრანგი კოლეგის ნათქვამი: “ექიმის მოვალეობაა პაციენტი გაართოს, სანამ ღმერთი გადაარჩენსო”…
