ოსკარების 97-ე ცერემონიის გამარჯვებულთა ვინაობა უკვე ცნობილია. საუკეთესო ფილმად “Anora” დასახელდა, წლის საუკეთესო მამაკაცი მსახიობის კატეგორიაში ედრიენ ბროუდმა გაიმარჯვა, ხოლო, რაც შეეხება საუკეთესო ქალ მსახიობს, ნომინაციაში მაიკი მედისონის გამარჯვებულად დასახელებამ დიდი აჟიოტაჟი და აზრთა სხვადასხვაობა გამოიწვია.
თითქოს ყველა მზად იყო იმისათვის, რომ ოსკარის მფლობელი თავის კარიერაში პირველად დემი მური გახდებოდა, ამაზე მეტყველებდა დადებითი შეფასებები და კომენტარები მის მიერ განსახიერებული როლისთვის, საინტერესო წინასწარი პროგნოზები, რომლებიც დემის გამარჯვებას წინასწარმეტყველებდნენ და ყველაზე მნიშვნელოვანი, ოქროს გლობუსი, რომელიც მსახიობმა ოსკარებამდე სულ რამდენიმე დღით ადრე აიღო. თუმცა, 3 მარტის ღამეს ფილმ Substance-ის სცენარი განვითარდა, 62 წლის დემი მურის ნაცვლად ოსკარი 25 წლის მაიკი მედისონს გადასცეს.
ამ ფაქტთან დაკავშირებით, საერთაშორისო მედია აქტიურად ალაპარაკდა ეიჯიზმზე, ასაკის გამო მსახიობის დისკრიმინაციაზე. დემი მურის გულშემატკივრებს გაუჩნდათ განცდა, რომ მსახიობს დამსახურებული ჯილდო მხოლოდ ამ მიზეზით არ გადასცეს. კრიტიკოსები აღნიშნავენ, რომ ეს იყო მესიჯი ვარსკვლავის მიმართ- “შენი დრო დასრულდა”. მათი აზრით ეს არის ჰოლივუდის “ბინძური” თამაში, რომელიც ყოველთვის უსამართლოდ ექცევა 40 წელს გადაცილებულ ქალებს. ისინი ხაზგასმით ამბობენ, რომ კინო უნდა აფასებდეს მსახიობის ნიჭიერებას, მის ტალანტს და მხოლოდ ასაკის გათვალისწინებით არ იღებდეს გადაწყვეტილებებს.
დაიწერა ისიც, რომ ამ უსამართლობას დემი საკმაოდ მშვიდად შეხვდა, ცერემონიის შემდეგ მისმა ქალიშვილმა Tallualah Willis-მა გამოაქვეყნა ფოტო, სადაც მსახიობი თავის ძაღლთან ერთად არის და მიირთმევს ფრანგულ ფრის. ფოტოს თან ახლავს წარწერა-“ჩემი გამარჯვებული”.
მნიშვნელოვანია, რომ 62 წლის ამერიკელი მსახიობი დემი მური ოსკარებზე პირველად იყო წარდგენილი. ასევე, საუკეთესო მსახიობი ქალის ნომინაციაში მასთან ერთად დასახელებულები იყვნენ :მაიკი მედისონი, კლარა სოფია გასკონი, სინტია ერივო და ფერნანდა ტორესი.
დემი მური 90-იანი წლების ბოლოს ერთ-ერთ ყველაზე მაღალანაზღაურებად მსახიობად იქცა ჰოლივუდში. მას განსაკუთრებული პოპულარობა მოუტანა ისეთ ფილმებში მონაწილეობამ, როგორებიცაა: Ghost (1990), A Few Good Men (1992), Indecent Proposal (1993), და The Scarlet Letter (1995).
მნიშვნელოვანია, რომ თავდაპირველად, სამოდელო სფეროთი გატაცებულმა ვარსკვლავმა სამსახიობო კარიერა 1882 წელს სატელევიზიო სერიალ „General Hospital“-ში მონაწილეობით დაიწყო.
მას არაერთი ჯილდო აქვს აღებული, მათ შორის, ორჯერ იყო ნომინირებული ოქროს გლობუსზე:
- Ghost (1990) – საუკეთესო ქალთა მთავარი როლი
- A Few Good Men (1992) – საუკეთესო ქალთა მეორეხარისხოვანი როლი
ასევე, სულ ცოტა ხნის წინ მსახიობს The Substance-ში მთავარი როლის შესრულებისათვის ოქროს გლობუსი გადაეცა.
არა მარტო საინტერესო როლები, არამედ მსახიობის პირადი ცხოვრებაც მუდამ განხილვისა და დავის საგანი იყო. მური პირველად 18 წლის ასაკში გათხოვდა როკ-მუსიკოს ფრედი მურსზე, 1987 წელს ცოლად გაჰყვა ბრიუს უილისს. ვარსკვლავური წყვილის თანაცხოვრება 2000 წლამდე გაგრძელდა, მათ ქორწინებიდან 3 ქალიშვილი ჰყავთ. 2005 წელს კი დემი მური ცოლად გაჰყვა ეშტონ კატჩერის, წყვილის ურთიერთობა 2013 წელს განქორწინებით დასრულდა.
