მსახიობი ლელა მებურიშვილი და მისი მეუღლე, ბრიტანეთში საქართველოს ელჩის მოადგილე, ბაჩო საგანელიძე 2025 წლის სამეფო დოღს ესწრებოდნენ. ისინი რამდენიმე წელია შვილებთან ერთად დიდ ბრიტანეთში ცხოვრობენ.
ლელას Royal Ascot – ზე ელეგანტური შავი კაბა ეცვა. აქსესუარებიდან მსუბუქი დეკორით გაფორმებული ქუდი, შავი აბრეშუმის ხელთათმანები და მინიმალისტური სამკაულები შეარჩია. სამეფო დოღის წესების მიხედვით ღონისძიებაზე ქუდი აუცილებელ აქსესუარს წარმოადგენს
Royal Ascot დიდ ბრიტანეთში ერთ-ერთი ყველაზე პოპულარული საჯირითო ღონისძიებაა, რომელიც ივნისის შუა რიცხვებში იმართება. დოღი დედოფალ ელისაბედ II-ის რჩეული სპორტულ ღონისძიება იყო.
სამეფო ოჯახის წევრების ყოველწლიური აქტივობისა და გამორჩეული დრეს კოდის გამო Royal Ascot პოპულარობას არასდროს კარგავს. სტუმრები, ფოტოების გამოქვეყნებისთანავე, მედიის და მოდის კრიტიკოსების ყურადღების ცენტრში ექცევიან.
აღსანიშნია, რომ უელსის პრინცესა ქეით მიდლტონმა ბოლო წუთებში გააუქმა Royal Ascot 2025-ზე დასწრება, რის გამოც პრინცი უილიამი კამერების ობიექტივში მარტო მოხვდა.
შეგახსენებთ, მისი მეუღლე ბაჩო საგანელიძე ბრიტანეთში საქართველოს ელჩ სოფიო ქაცარავას ერთ-ერთი მოადგილეა, ეკონომიკური მიმართულებით. შესაბამისად, ლელა ოფიციალურ შეხვედრებს ხშირად ესწრება.
აღნიშნულ ღონისძიებაზე ისინი 2022 წელსაც იმყოფებოდნენ.
