საერთაშორისო ბრენდი Le Meridien 2016 წლიდან Marriott International-ის შემადგენლობაშია. ბრენდის სლოგანია Destination Unlocked და ის მსოფლიოს სხვადასხვა კუთხეში შემოქმედებითად მოაზროვნე მოგზაურებს ევროპული სტილის ცხოვრებით ტკბობის შესაძლებლობას ჰპირდება. Le Meridien-ის 115 სასტუმრო მსოფლიოს 35 ქვეყანაშია წარმოდგენილი. კავკასიის რეგიონში ბრენდი ჯერჯერობით გვხვდება მხოლოდ საქართველოში, ბათუმში. „ლე მერიდიენ ბათუმი“ 2020 წელს, პანდემიის პერიოდში გაიხსნა, მიუხედავად ამ გამოწვევისა, სასტუმრომ შეძლო ოპერირების წარმატებით გაგრძელება და განვითარება, რაზეც მეტყველებს World Travel Award-ის ჯილდო – Georgia’s Leading Hotel 2023, რომელიც სწორედ „ლე მერიდიენ ბათუმს“ მიენიჭა.
აღნიშნული სასტუმრო წარმოდგენილია 105 ნომრით, ღია და დახურული აუზით, სპა და ფიტნეს-ცენტრით, რამდენიმე რესტორნით, ლაუნჯითა და ღია ტერასით, საკონფერენციო და სადღესასწაულო დარბაზებით.
ადგილობრივ თუ უცხოელ სტუმრებში განსაკუთრებული პოპულარობით სარგებლობს „ლე მერიდიენის“ სპა, რომელიც გთავაზობთ სხვადასხვა სახის სარელაქსაციო მასაჟს, მოიცავს დახურულ და ღია აუზს, სავარჯიშო დარბაზსა და საუნას. Explore Spa საუკეთესო საშუალებაა სრული განტვირთვისთვის.
სასტუმრო გამორჩეულია მდებარეობითაც, ის ზღვიდან ერთი წუთის სავალზე, ცენტრალური ბულვარის შესასვლელთან მდებარეობს, რომელიც ახლოსაა საზღვაო პორტთან. ოთახები გამოირჩევა უნიკალური დიზაინითა და სივრცით, კედლებს ამშვენებს ცნობილი ქართველი მხატვრების ნამუშევრები. აქ ყველაფერი შექმნილია იმისთვის, რომ სტუმარს დაუვიწყარი შთაბეჭდილება შეექმნას.
გარდა ამისა, „ლე მერიდიენი“ ერთადერთი სასტუმროა ბათუმში, რომელსაც აქვს დახურული საღონისძიებო სივრცე, რომელიც გადაჰყურებს ზღვას და მდებარეობს სასტუმროს მე-12 სართულზე. მისი გამოყენება შესაძლებელია როგორც საქმიანი შეხვედრებისთვის, ისე საქორწილო თუ სხვა ნებისმიერი გასართობი მიზნით.
ნებისმიერ სტუმარს შეუძლია „ლე მერიდიენ ბათუმის“ რესტორან, La Brasserie-ში დააგემოვნოს მრავალფეროვანი კერძები, რომელიც მორგებულია ყველანაირ გემოვნებას. რესტორანი გადაჰყურებს ბათუმის ყველაზე გამწვანებულ ზონას, ბულვარს.
ამჟამად სასტუმრო „ლე მერიდიენის“გუნდს ახალი შეფი – თუთქუ გოქსელი შემოუერთდა, რომელიც თავის გამოცდილებასა და რესტორნის სამომავლო გეგმებზე გვესაუბრა.
თუთქუ გოქსელი: ჩემი კარიერა დაიწყო 2003 წელს ანკარის კლასიკურ რესტორანში, სადაც ვმუშაობდი შეფ დე პარტიის პოზიციაზე. მოგვიანებით შევუერთდი თურქეთის DO&CO საერთაშორისო ავიახაზების კვების კომპანიას. 2011 წელს კი გავხდი Marriott-ის ოჯახის წევრი. ჩემი 20-წლიანი გამოცდილება მოიცავს Marriott-ის სხვადასხვა ობიექტთან თანამშრომლობას, როგორიცაა: Ritz Cariton Almaty. Ritz Cariton Doha, Ritz Cariton Jeddah და უახლესი, Le Meridien Riyadh.
რა არის ამ პროფესიაში ყველაზე მთავარი?
ეს პროფესია საინტერესოა იმით, რომ გიწევს ბევრი მოგზაურობა, სადაც აკეთებ აღმოჩენებს, როგორც სამზარეულოში, ისე ადამიანებში. უცხო ქვეყანაში მიღებული გამოცდილება კი უფრო გზრდის და პროფესიულად განვითარებს.
დღეს უკვე სასტუმრო „მერიდიენის“ შეფი ხართ, რა მოლოდინები გაქვთ?
უპირველესად, მიხარია, რომ შევუერთდი Le Meridien Batumi-ის განსაკუთრებულ გუნდს. მსურს გაგიზიაროთ ჩემი კულინარიული ხედვა და შევქმნათ ოჯახური და მეგობრული გარემო.
ჩემი მოგზაურობა კულინარიულ სამყაროში გრძელდება უკვე ქართველი მომხმარებლისთვის, მე მათ დაუვიწყარ გამოცდილებას ვპირდები. ჩემი მიზანია ინოვაციების შერწყმა ადგილობრივ ინგრედიენტებთან, რათა შევქმნათ გასტრონომიული მოგზაურობა, რომელიც ასახავს ამ ულამაზესი რეგიონის, აჭარის და კერძოდ, ბათუმის ძლიერ სულს.
როგორც ვიცით, ახალ მენიუზე მუშაობთ, რას უნდა ელოდოს მომხმარებელი?
ახალი მენიუ თებერვლის დასაწყისში იქნება, რომელიც აერთიანებს ფრანგული სამზარეულოს ტექნიკასა და ადგილობრივ არომატებს – ქინძის ნაზავი თხილთან, ლოკალურ კარაქთან, გამოყენებული იქნება Braising – Slaw Cooking ტექნიკა და სრულიად სახეცვლილი იქნება კერძების პრეზენტაცია.
ასევე, რა თქმა უნდა, არ გვავიწყდება, რომ ვართ ზღვისპირა ქალაქში და ჩვენს მენიუში აუცილებლად შეგვხდებათ შავი ზღვის თევზის ნაირსახეობები. გეგმაში გვაქვს ორგანული მწვანილებისა და ჩვენი პირადი მინი-ბოსტნის მოწყობა. ჩვენი მიზანია კერძები ბიოპროდუქტებით დავტვირთოთ.
„ლე მერიდიენ ბათუმი“ მოუთმენლად ელის თავის ერთგულ სტუმრებს, რომლებიც გაოცებულები დარჩებიან სრულიად განახლებული კერძებითა და მენიუთი.
ტექსტი: სოფიო მალანია
ფოტო: ალექსეი სეროვი
