იტალიური მოდის სახლმა Gucci–მ მსოფლიო ჩოგბურთის ერთ-ერთ ყველაზე კაშკაშა ვარსკვლავთან, არინა საბალენკასთან თანამშრომლობის შესახებ განაცხადა.
მოდის სახლის სადებიუტო ვიდეოში საბალენკა სპორტსმენისთვის უჩვეულო იმიჯით ჩნდება – ქალაქის ცენტრში, ჩოგბურთის კორტზე, მაგრამ არა ჩოგბურთელის სპორტულ ფორმაში, არამედ დიზაინერის შთამბეჭდავ სამოსში. სარეკლამო კამპანიამ როგორც ჩოგბურთის მოყვარულების, ასევე მოდის ინდუსტრიის ყურადღება სწრაფად მიიპყრო.
დემნა გვასალიას ლუქი, სახელწოდებით „პრიმადონა“, Gucci-ს კოლექციიდანაა, რომელიც 2025 წლის სექტემბერში იყო წარმოდგენილი. ამბობენ, რომ გვასალიამ ეს ლუქი ალა პუგაჩოვას მიუძღვნა.
„კეთილი იყოს შენი მობრძანება Gucci-ს ოჯახში, არინა“, -ვკითხულობთ ვიდეოს აღწერაში.
აღსანიშნავია, რომ ბრენდის ელჩებს შორის საბალენკა ერთადერთი ჩოგბურთელი არ არის. იტალიელი ჩოგბურთელი იანიკ სინერი ბრენდს 2022 წლიდან, სხვადასხვა კამპანიაში წარმოადგენს.
მოდის სახლი სპორტსმენებიდან ასევე ბრიტანელ ფეხბურთელ ჯეკ გრილიშთან, ოლიმპიურ ფიგურულ სრიალში ჩემპიონ იუზურუ ჰანიუსთან და სხვებთან თანამშრომლობს.
შეგახსენებთ, რომ ქართველი დიზაინერი – დემნა გვასალია Gucci-ს შემოქმედებითი დირექტორი 2025 წლის მარტში გახდა და მალევე ბრენდისთვის ახალი, უფრო გაბედული მიმართულება გამოკვეთა.
Посмотреть эту публикацию в Instagram
ასევე დაგაინტერესებთ
#OK! საუდის არაბეთი მზადაა მესის სამუდამო ხელფასი გადაუხადოს
