„დიდი ხანია მინდოდა, მარტოხელა დედებსა და ქალებს, ვისაც ფინანსური შეზღუდვები აქვს, მივცე პროფესიული ცოდნის შეძენის საშუალება. 2023 წელს ინტერვიუშიც ავღნიშნე ეს იდეა, მაგრამ მაშინ ვერ მოვახერხე. ახლა ეს ოცნება რეალობად იქცა. ჩემი პირველი სასწავლო წიგნი პერმანენტული მაკიაჟის შესახებ მალე დაიბეჭდება – პირველად საქართველოში. წიგნი მოიცავს ყველა აუცილებელ დეტალს პროფესიული პრაქტიკისთვის: ტექნიკები, სტეპ-ბაი-სტეპ ინსტრუქციები, უსაფრთხოების სტანდარტები, ფერთა კომბინაციები და პრაქტიკული რჩევები.
გარდა წიგნისა, სპეციალურად შექმნილი ონლაინ კურსი საშუალებას აძლევს ნებისმიერ მსურველს ცოდნა პრაქტიკულად გამოიყენოს, სახლიდანვე, საკუთარი ტემპით.
სოციალური პროექტი ჩემთვის განსაკუთრებით მნიშვნელოვანია – მარტოხელა დედები და ქალები, ვისაც ფინანსური შეზღუდვები აქვს, მიიღებენ წიგნსა და კურსს სრულიად უფასოდ. მიზანი არის ქალთა გაძლიერება, დამოუკიდებლობის მხარდაჭერა და ახალი პროფესიული შესაძლებლობების შექმნა.
ეს პროექტი მხოლოდ პერმანენტული მაკიაჟის სწავლების შესახებ არ არის – ეს შესაძლებლობაა, ქალებს ახალი დასაწყისი მივცეთ, ცოდნით, უნარებით და პროფესიული გამოცდილებით.“- მარიამ კარელიძე, პერმანენტული მაკიაჟის სპეციალისტი და ტრენერი.
მარიამის შესახებ ინფოს გაეცანით ჩვენი სტატიიდან
