მოდის პრინციპი სიახლისკენ სწრაფვაა, თუმცა, ტენდენცია, რომელიც გარკვეულ პერიოდში მკვიდრდება, რამდენიმე ათწლეულის შემდეგ ხშირად ისევ აქტუალური ხდება.
საზოგადოება მოდის ტენდენციებს მიჰყვება, თუმცა სტილი მხოლოდ მოდით არ იქმნება, ის თითოეული ადამიანის პიროვნული მახასიათებელია, ამიტომაც მოდა საზოგადოების ინტერესების განვითარებასთან და მოთხოვნილებებთან ერთად იცვლება და ვითარდება.
მაგალითად, 90-იანი წლების საკულტო სტილი ხშირად დღესაც კი ხდება ბევრი ადამიანის ინსპირაციის წყარო.
მსოფლიოში ერთ-ერთი ყველაზე მოთხოვნადი და მაღალანაზღაურებადი რუსი მოდელი ირინა შეიკი პაპარაცებმა რამდენიმე საათის წინ ნიუ-იორკის ქუჩებში შენიშნეს.
35 წლის ვარსკვლავმა ვივიენ ვესტვუდის 2021 წლის შემოდგომა/ზამთრის კოლექციიდან ბლეიზერი და შესაფერისი ქვედაბოლო მოირგო.
მოდელის ჩაცმულობამ საზოგადოებას 90-იანი წლების საკულტო ფილმის Clueless-ის პერსონაჟი შერი გაახსენა, რომლის როლიც ალისია სილვერსტოუნმა მოირგო.
