OK! გაესაუბრა ქართველ პროფესიონალ სტომატოლოგს, თერაპევტ-პაროდონტოლოგს, ელენე შამუგიას, რომელიც სპეციალიზირდება ესთეტიკის განხრით. მან გვიამბო მის მიერ განვლილი გზისა და მიღებული გამოცდილების შესახებ. ელენემ ინტერვიუში გაგვიმხილა ის რჩევებიც, რომელთა გათვალისწინებაც თითოეულ სტომატოლოგს წარმატების მიღწევაში დაეხმარება.
ელენე, თქვენ, როგორც სტომატოლოგი, რას ურჩევდით იმ ადამიანებს, ვისაც ფერის გამო ვერ გადაუწყეტია გაიკეთოს ვინირება თუ კბილების ქიმიური გათეთრება?
ძალიან კარგი კითხვაა, ყველაზე ხშირად მომმართავენ ამ პრობლებით. კბილის ფერის ცვლილება შეიძლება განპირობებული იყოს მრავალი ენდო და ეგზოგენური ფაქტორებით. თუმცა ამ ეტაპზე მკითხველს მოვუყვები გამოსავალზე. ამ შემთხვევაში უმეტესობა ვინირებას ან კბილების ქიმიურ გათეთრებას სთავაზობს თავის პაციენტებს. ჩემი პირადი აზრია, რომ მხოლოდ ფერის გამო (თუ პაცინტს მოსწონს თავისი კბილების ფორმა, ზომა) ვინირება არ გამოიყენონ, რადგან ამ დროს საჭიროა კბილების მცირე პრეპარირება, რომ შემდგომ მოხდეს მასზე ე.წ. თხელი ფირფიტის მიმაგრება, რაც მართლაც გვაძლევს დიდ ესთეტიკას, ფერსაც თავად ირჩევს ამ დროს პაციენტი და ზომას და ფორმასაც შეუცვლის სურვილისამებრ. შემდგომ ფასიც გასათვალისწინებელია, რადგან ვინირება დაახლოებით 1 კბილის ერთეული 450 ლარიდან იწყება და საჭიროებს რამდენიმე ვიზიტს.
მეორე და ყველაზე სწორი ამ შემთხვევაში გახლავთ კბილების ქიმიური გათეთრება სტომატოლოგიურ კლინიკაში, რომელსაც სჭირდება ერთი ვიზიტი 45 წუთი, სრულიად უმტკივნეულოდ და უსაფრთხოდ იღებთ 3-დან 5 ტონამდე სითეთრეს. ჩვენთან საოფისე გათეთრება გამოირჩევა იმითაც, რომ ვმუშაობ საუკეთესო მასალითა და უახლესი აპარატურით – iBrite LED Whitening Light-ით. მისი გამოყენება მარტივი და კომფორტულია, LED ტექნოლოგია კი უზრუნველყოფს შედეგის სწრაფად და უსაფრთხოდ მიღებას. ფასი 350 ლარიდან იწყება და მიღებული შედეგის შესანარჩუნებლად მხოლოდ პროფესიონალურ წმენდაზე სიარულია სასურველი, რომელიც მოგეხსენებათ ისედაც რეკომენდირებულია ყოველ 6 თვეში ერთხელ. როგორც ექსპერტს ამ საკითხში, უამრავი პაციენტის ფოტო/ვიდეო კონტენტი მიდევს ჩემს ფეისბუქ თუ ინსტაგრამ გვერდზე, გათეთრება არ ქრება, ის არ უბრუნდება თავის პირვანდელ სახეს არასდროს, უბალოდ კბილები 2 წლის შემდეგ საჭიროებს 1 სრულ კურსს, მიღებული შედეგი კი საბოლოოდ ფიქსირდება.
როგორ ახერხებთ ყველა დასახული მიზნის მიღწევას?
დასახული მიზნის მისაღწევად აუცილებელია მონდომება და მოთმინება. ჩემი სამუშაო, უპირველეს ყოვლისა, ბედნიერებას უნდა მანიჭებდეს, რაც ასეც არის. ჩვენ მედია რეკლამაზე არ ვხარჯავთ დიდი რაოდენობით თანხას. მე და ჩემი გუნდი პაციენტებს ვთავაზობთ ხარისხიან მომსახურეობას, რის შემდეგაც კმაყოფილი პაციენტები თავად ურჩევენ მეგობრებსა და ნაცნობებს ჩვენი სერვისით მომსახურეობას. ჩვენ გადავწყიტეთ, მთელი თანხა მიგვემართა სრულყოფილი მომსახურეობის შესაქმნელად, რაც ჩვენი კლინიკის სასარგებლო სიტყვიერ მარკეტინგს წარმოშობდა.
გადატვირთული გრაფიკის მიუხედავად ყველაფრის გაკეთებას ასწრებთ. რა არის ის მთავარი რამ, რაც გეხმარებათ ყოველივე ამაში?
ორიენტირებული ვარ ჩემი პაციენტებისთვის საუკეთესო მომსახურეობის უზრუნველყოფაზე, ჩემს წარმატებაში დიდი წვლილი მიუძღვის ჩემს მრავალრიცხოვან კმაყოფილ პაციენტებს, რადგან ჩემთვის, როგორც სტომატოლოგისთვის, ყველაზე ბედნიერი მომენტი მაშინ დგება, როდესაც მათ ჩემგან ბედნიერი ღიმილით ვუშვებ. ეს არის ის, რაც ჩემს საქმიანობას ყოველ დღე უფრო მეტად მაყვარებს. სწორედ ჩემი მათდამი მადლიერებისა და პატივისცემის გრძნობის ნიშნად, პაციენტებს, რომლებიც ექვსი თვის შემდეგ კბილების ქიმიურ გათეთრებაზე იყვნენ და ახლა უკვე პროფესიუონალურ წმენდაზე უწევთ მოსვლა, მათ დამატებით კბილების ქიმიური გათეთრების 15 წუთს ვჩუქნი.
რა წარმოადგენს თქვენს მთავარ მოტივაციის წყაროს?
საზოგადოებას ჩემს გუნდთან ერთად შევთავაზო მუდმივად ხარისხიანი მომსახურეობა, მათთვის ხელმისაწვდომ ფასად. რადგან ჩვენთან მოსულ პაციენტს აქვს მოლოდინი, შემდგომ კი როდესაც ის მიიღებს ამა თუ იმ მომსახურეობას ახდენს პროცესის ოპტიმიზაციას და გარკვეული დროის შემდგომ თუ აღქმა ნაკლებია მოლოდინზე, მაშინ პაციენტი უკმაყოფილოა, თუ აღქმა ემთხვევა მოლოდინს, მომხმარებელი კმაყოფილია, ხოლო თუ აღქმა აჭარბებს მოლოდინს, მომხმარებელი აღფთოვანებულია. ჩემი პაციენტების კმაყოფილება/აღფრთოვანება არის ჩემი მოტივაცია, რომ კიდევ უფრო მეტი გავაკეთო.
რას ურჩევდით თქვენს პაცინტებს?
ყველას ვუსურვებდი ჯანმრთელობას, ლამაზ ღიმილს და სტომატოლოგთან მხოლოდ პროფილაქტიკურ ვიზიტებზე სიარულს.
ტექსტი: მარიამ მთივლიშვილი
