ვინ: @rusachachua
გამომწერი: 127k
პროფესია: პროფესიით ვარ დიზაინერი. დავამთავრე სამხატვრო აკადემია. სამწუხაროდ, ჩემი პროფესიით არასოდეს მიმუშავია.
სტილი: კონკრეტული სტილი არ მაქვს. მიყვარს და მომწონს ყველაფერი, მაგრამ არის რაღაცები, რაც არ მიხდება ან ვერ ვირგებ, მაგრამ სხვა ადამიანის სხეულზე ძალიან მომწონს.
მოდის კერპი: ჩემთვის მოდის კერპი არის ყველა გემოვნებიანი ადამიანი. ოჯახის წევრები − ბებია, რომელიც იყო ყველაზე ლამაზი და გემოვნებიანი. დედა, რომელიც დღემდე ჩემთვის ყველაზე დახვეწილი, ელეგანტური და ქალურია. ასევე − ჩემი დები.
სტილის ინსპირაცია: ჩემთვის მთავარი და მნიშვნელოვანია, ყველა სამოსში, რომელსაც ვირგებ, ვიყო ქალური. ის ქალური, ელეგანტური, ცოტა ინტიმური, ნაზი, საიდუმლო სამყარო იყოს ყველაფერში.
საყვარელი დიზაინერი და ბრენდი: საყვარელი ბრენდი ბევრია. ვერ დავკონკრეტდები, რადგან ვერ ამოვწურავ ამ თემას. დიზაინერი მყავს, რომელზეც შემიძლია გაუთავებლად ვისაუბრო. ეს არის ჰაიდერ აკერმანი − სტილი, ფორმები, ფერები, თარგები, მასალის გამოყენება, თხელი და სქელი ქსოვილის შეხამება, ტყავის აქსესუარები. ეს არის მართლაც უნიკალური ადამიანი, რომელიც გვამოგზაურებს როგორც აზიაში, ასევე ყველაზე დახვეწილ ევროპის ცივილიზაციაში.
სეზონის საყვარელი ტენდენცია: ტენდენციური არის ის, რაც მე მომწონს.
საყვარელი ფერი: საყვარელი ფერი არ მაქვს, რადგან ყველა ფერი საყვარელია ჩემთვის.
სპორტული ფეხსაცმელი თუ ქუსლიანი: ქუსლიანიც და სპორტულიც − ორივე ერთნაირად მიყვარს.
სად შოპინგობთ ყველაზე ხშირად: ყველაზე ხშირად ონლაინ ვშოპინგობ.
3 შეუცვლელი რამ თქვენს გარდერობში: შეუცვლელი არაფერი მაქვს, არც დამოკიდებული ვარ ნივთებზე.
3 შეუცვლელი მოვლის საშუალება: მოვლის ერთი საშუალება მაქვს შეუცვლელი − „ლამერის“ სახის ზეთი, რომელსაც ვერც კი ვიხსენებ, რამდენი წელია ვიყენებ. კიდევ ხვეული თმის მუსიც ჩემი განუყოფელია.
საქმის კეთების მთავარი მოტივაცია: მოტივაცია არის ჩემი სულიერი სიმშვიდე, ჩემი მეუღლე, ჩემი შვილები. თუ არაფერზე ვღელავ, მაშინ ყველაფერი იდეალურად გამომდის.
რას ნიშნავს თქვენთვის ახალი წელი და რა უნდა გავითვალისწინოთ საახალწლო look-ის შერჩევისას: ახალი წელი ძალიან მიყვარს! წინასწარ ვემზადები, ვიძენ საჩუქრებს. მაბედნიერებს და მახარებს ეს ემოციები, ეს სიახლოვე, რაც ამ დღესასწაულს მოაქვს. ახალ წელს მგონია, რომ ყველა უნდა ბრჭყვიალებდეს. ასოციაცია და ტრადიციაც ეს არის − ნათელი, ბრჭყვიალა ბედნიერი ახალი წელი.
