მოდური ტენდენციები ყოველ წელს და ყოველ სეზონზე იცვლება. დიზაინერები მუდამ ახალ, საინტერესო ვარიაციებს გვთავაზობენ, თუმცა, როგორც ამბობენ, მოდა ბრუნვადია და ხშირად წლების წინანდელი ტენდენციები კვლავ აქტუალურობას უბრუნდება. 2022-2023 წლის შემოდგომა/ზამთრის სეზონიც არ არის გამონაკლისი. ვიხილეთ არაერთი ორიგინალური სილუეტი, პრინტი, კომბინაცია. ამასთან, კოლექციებში ჭარბობდა გასული საუკუნის 80-იანი, 90-იანი და 2000-იანი წლების ინსპირაციით შექმნილი სამოსიც. ზოგიერთი ტენდენცია ძალიან მოკლე დროით შემოიჭრება ხოლმე მოდის სამყაროში, ზოგი კი სეზონებსა და წლებსაც უძლებს. წლევანდელი შემოდგომა/ზამთრის უმთავრესი ჰიტი დიდი ზომის მოსაცმელები, ფართოტოტიანი შარვლები და სქელი ძაფით ნაქსოვი სვიტერები გახლავთ.
არ უნდა დაგვავიწყდეს Fringes, იგივე „ფოჩები“, რომლებიც ღუნღულა სვიტერებს მეტ ტენდენციურობას სძენს. ეს ის ჩამონათვალია, რომელსაც H&M-ის კოლექციებში აუცილებლად შეხვდებით. ბრენდი ასევე გვთავაზობს შემოდგომის სეზონისთვის იდეალურ პასტელურ ფერებსა და ტენდენციურ აბსტრაქტულ პრინტებს. ასევე, თვალში მოგხვდებათ კუბოკრული და ცხოველის პრინტით გაფორმებული სამოსი თუ აქსესუარები, რომლებიც არაერთმა დიზაინერმა შემოგვთავაზა თავის საშემოდგომო კოლექციაში. ე.წ. Chunky Boots რომ უკვე რამდენიმე წელია აქტუალურობას არ კარგავს, ყველამ კარგად ვიცით, შესაბამისად, H&M-იც გამუდმებით ანებივრებს თავის მომხმარებელს მოდური შუზებითა და ზამთრის ფეხსაცმელებით. თუმცა, სპორტულთან ერთად, ბრენდის მაღაზიებში უხვად აღმოაჩენთ კლასიკური სტილის ფეხსაცმელსა თუ ტანსაცმელს, რომლებიც ნებისმიერი სადღესასწაულო წვეულებისთვის გამოგადგებათ.
აქვე უნდა აღვნიშნოთ სეზონის კიდევ ერთი უმთავრესი ჰიტი − ტყავის ან ტყავის შემცვლელისგან შეკერილი სამოსი. მსგავსი სტილი 2022-2023 წლების შემოდგომა/ზამთრის სეზონზე მეტ თავდაჯერებულობას შეგმატებთ. ასეთ look-ებს კი, რა თქმა უნდა, H&M-ის მაღაზიებში აუცილებლად აღმოაჩენთ.
ყველასათვის საყვარელი ბრენდის მომხმარებელთა სიაში არა მხოლოდ უცხოელი, არამედ ქართველი ბლოგერები და ინფლუენსერებიც არიან. ამჯერად H&M-ის უახლესი კოლექციისთვის მშვენიერმა ლიკუნა ხაჭაპურიძე-ჭანტურიამ და მარიამ წილოსანმა იპოზირეს.
გოგონებო, რატომ ირჩევთ H&M-ს და ყველაზე მეტად რამ მიგიზიდათ ბრენდის უახლესი კოლექციიდან?
(ლიკუნა): H&M ყოველთვის იყო ჩემთვის ერთ-ერთი გამორჩეული და საყვარელი ბრენდი. იგი ყველასათვის ხელმისაწვდომია, მოდის ტენდენციებს არასოდეს ჩამორჩება, მუდამ საინტერესო სიახლეებით გვანებივრებს და რაც მთავარია, ნებისმიერი ასაკის ადამიანი იპოვის აქ თავისი სტილის ტანისამოსსა თუ აქსესუარს.
ამ კოლექციაში რთულია თვალში არ მოგხვდეთ ნაზი ტონები, შემოდგომის ფერები. კოლექცია მდიდარია საინტერესო და კომფორტული ტექსტილით. ნაქსოვი სვიტერები და ქურთუკები ჩემი ფავორიტია ამ სეზონზე.
(მარიამი): H&M ჩემთვის გამოირჩევა სტილის მრავალფეროვნებით და მომხმარებლებს სთავაზობს როგორც ბეისიქების, ასევე ტრენდული ტანსაცმლის დიდ არჩევანს. სასიხარულოა ის ფაქტი, რომ H&M უკვე საკმაოდ აქტიურად მოიხმარს გადამუშავებულ მასალას და მუდმივად იხვეწება ეკოლოგიურობის თვალსაზრისით. ამასთან ერთად, ხელმისაწვდომ ფასებს ინარჩუნებს.
