50 წლის ამერიკელი მსახიობი და ბიზნესვუმენი გვინეტ პელტროუ ჰოლივუდის იმ
ვარსკვლავთა რიცხვს მიეკუთვნება, რომლებიც საზოგადოებას საკუთარი კვების რაციონს
არასდროს უმალავენ. მსახიობი ყოველთვის გულახდილად საუბრობს ჯანსაღი ფხოვრების წესის
შესახებ და სოციალური ქსელის მეშვეობით გამომწერებს საინტერესო რჩევებსაც ხშირად
უზიარებს. მიუხედავად იმისა, რომ კინოვარსკვლავი ნახევარფაბრიკატების კატეგორიული
წინააღმდეგია და სასმელსა და ტკბილეულს ჯანმრთელობის ერთ-ერთ უპირველეს მტრად
მიიჩნევს, აღიარებს, რომ მათზე უარს თავადაც ვერ ამბობს და დიეტასაც ხშირად არღვევს.
ამერიკელი მსახიობი დილით ფორთოხლის წვენს ან სმუზის სვამს, რომელიც შემდეგ
პროდუქტებს მოიცავს: ნუშის რძე, ქოქოსის კარაქი, პროტეინის და Moon Juice Dust-ის ფხვნილი.
ვარსკვლავი ხშირ შემთხვევაში საუზმეს ტოვებს, ან მხოლოდ აღნიშნულ კოქტეილს მიირთმევს,
რომლის შემდეგაც რამდენიმე საათში, დაახლოებით პირველ საათზე უკვე ლანჩს ამზადებს.
“ყოველთვის ვცდილობ ცილა საკმარისი რაოდენობით მივიღო და რაც შეიძლება ნაკლები
მარცვლეული და ტკბილეული ვჭამო. აღარც კი ვახსენებ ტკბილეულს, რომელიც ძალიან რთული
გადასამუშავებელია ორგანიზმისთვის.“
“ხშირად მივირთმევ ქათმის ხორცით მომზადებულ კერძებს, ძალიან მიყვარს პასტა, რომელსაც
ბავშვებისთვისაც ხშირად ვამზადებ. მაცივარში ყოველთვის ვინახავ ყავისფერ ბრინჯს, რაც
მიმარტივებს საჭმლის მომზადების პროცესს. როდესაც ყველას გვეჩქარება და ძალიან გვშია,
მხოლოდ რამდენიმე წუთი სჭირდება ბოსტნეულის დაჭრასა და გემრიელი სოუზის მომზადებას,
შემდეგ უკვე ვიყენებ მოხარშულ ბრინჯს და სადილიც მარტივად მზადაა…
„ლანჩის დროს ძალიან კარგია ასევე ბოსტნეულის სალათი, ან ინდაურის ხორცით მომზადებული
ბურგერი.”
გვინეტი შუადღის შემდეგ, დაახლოებით 4 საათზე მწვანე ჩაის და დესერტს მიირთმევს.
მსახიობის თქმით, დღის განმავლობაში ბევრს არ ჭამს და ყველაზე გემრიელ საჭმელებს
სადილისთვის იტოვებს.
“როგორც წესი, სადილის მირთმევას 6 საათზე ვიწყებთ, ოჯახში ყველას განსხვავებული გრაფიკი
გვაქვს, ამიტომ, ხშირად ჭამას ცოტა გვიან გვიწევს. ამ დროს მივირთმევ ნებისმიერ საჭმელს, რაც
მომინდება, სპაგეტის, მდნარ ყველს, კარტოფილი ფრის და ზოგჯერ ჭიქა ღვინოსაც კი.”
“მე ძალიან სერიოზულად ვეკიდები ამ თემას, ჯანსაღი ცხოვრების წესი ჩემთვის ძალიან
მნიშვნელოვანია. იმდენად მიჩვეულია ჩემი ორგანიზმი ჯანსაღ კვებას, რომ მაშინათვე, როდესაც
ნახევარფაბრიკატებს, ტკბილეულს ან ალკოჰოლს მივირთმევ, შედეგად ორგანიზმის
გაუარესებული მდგომარეობით ვიღებ.”
“რა თქმა უნდა, ჩემს ცხოვრებაშიც არის მომენტები, როდესაც დიეტა მავიწყდება და
ტკბილეულის ჭამა ან ღვინის დალევა მინდება. ბუნებრივია, ვუშვებ გამონაკლისებს და
ცომეულსაც მივირთმევ… მთავარია ამ დროს საკუთარ თავს ჰკითხოთ: „დღეს მივიღებ
სიამოვნებას ამ კონკრეტული კერძის ჭამით, თუმცა იქნება კი ეს ყველაფერი მეორე დღეს ამის
ფასი?“ თუ თავს ბედნიერად გრძნობთ და რომელიმე საკვებზე უარის თქმა სტრესულ
მდგომარეობაში გაგდებთ, მაშინ ის აუცილებლად უნდა ჭამოთ.”
რა თქმა უნდა, მხოლოდ ჯანსაღად კვება ორგანიზმისთვის არ არის საკმარისი. გვინეტ პელტროუ
მიიჩნევს, რომ ჯანმრთელი სხეულის საწინდარი დასვენება და ძილია.
“დღეში მინიმუმ 7-8 საათი ძილი აუცილებელია, იდეალურ შეთხვევაში 10-იც კი. ძილი თამაშობს
უდიდეს როლს ჩვენი განწყობის ჩამოყალიბებაში, ის აღადგენს ძალებს და გვეხმარება
მუშაობაში. მინდა ადამიანებს მივმართო, რომლებიც ცდილობენ სხვადასხვა დიეტები დაიწყონ,
პირველ რიგში დაარეგულირონ ძილი.”
“თუ გინდათ დაუძახეთ ზღაპარი, ან თუნდაც ამაოება, მაგრამ ფაქტია, დიდი კავშირი არსებობს
იმას შორის, თუ როგორ ვგრძნობ თავს და დოგორ გამოვიყურები დილით, როდესაც საწოლიდან
ვდგები.”
“ძილის ნაკლებობა ზრდის ქრონიკული დაავადებების რისკს, ხშირად იწვევს მეტაბოლიზმის
ცვლილებას, ჰორმონალურ დისბალანსს, იმუნიტეტის დაქვეითებას და ხასიათის გაფუჭებას.”
მიუხედავად იმისა, რომ გვინეტი მაქსიმალურად ცდილობს ვიტამინებით სავსე საკვები მიიღოს,
ვარსკვლავი მიიჩნევს, რომ დაბინძურებულ გარემოში, სადაც დღეს ვცხოვრობთ და ხშირად
არასანდრო პროდუქციას მივირთმევთ, საკვები დანამატები აუცილებელია.
“ყოველთვის ვიღებ საკვებ დანამატებს. ჩვენ ვცხოვრობთ არასახარბიელო გარემოში, სადაც
არასათანადოდ ვიკვებებით, ამიტომ ჩვენი სხეული ხშირად ვიტამინების ნაკლებობას განიცდის.
სწორედ ამისთვის არსებობს საკვები დანამატები. ჩემი ერთ-ერთი ფავორიტია პოლიმიტამინი და
თევზის ქონი.”
როგორც ყველა, კარანტინის პერიოდში ჯანსაღი ცხოვრების წესი გვინეტ პელტროუმაც დაივიწყა.
ეს სწორედ ის თვისებაა, რომელსაც მისი გულშემატკივრები მასში ყველაზე მეტად აფასებენ.
მსახიობმა აღიარა, რომ დიეტა გვერდით გადადო და საკუთარ თავს არაჯანსაღი საკვებით,
ნახევარფაბრიკატებითა და ღვინით ანებივრებდა.
“წარმოუდგენელი რაოდენობის ღვინოს ვსვამდი და ეს ხდებოდა კვირაში შვიდი დღე,
წარმოიდგინეთ, ეს ხომ ჯანმრთელობისთვის არ არის კარგი. სასმელთან ერთად მივირთმევდი
პასტას, და ჩემს საყვარელ ფრანგულ ტოსტს, რომელსაც ვაყოლებდი მდნარ ყველ და კარტოფილი
ფრის… ვიცი, რომ მსგავსი საკვების მირთმევა არ არის ორგანიზმისთვის კარგი, თუმცა არსებობს
დღეები, როდესაც უარს ვერ იტყვი. მთავარია, არ დაგვავიწყდეს ლიმიტი და მივხვდეთ, როდის
მოგვდის ზედმეტი.”
