1 ივნისს „ჯინო ფერედაისში“ ახალი საზაფხულო სეზონი და გარე სივრცეები ოფიციალურად გაიხსნა. ბავშვთა დაცვის დღეს ბავშვებმა უამრავი სიურპრიზი და საჩუქარი მიიღეს. საინტერესო და სახალისო აქტივობებმა დღე კიდევ უფრო გაალამაზა. Gino Paradise ახალ სეზონზე უამრავ სიახლესა და თავგადასავალს გპირდებათ. ამ თემაზე უფრო ვრცლად ჟურნალი OK! „ჯინო ფერედაისის“ მარკეტინგის დეპარტამენტის ხელმძღვანელს, ქეთი მაჭავარიანს ესაუბრა.
რას უნდა ველოდოთ ამ სეზონზე Gino Paradise-ში?
ზაფხულის სეზონის დაწყებასთან ერთად, „ჯინოში“ გარე სივრცეები უკვე ოფიციალურად გაიხსნა, რაც გულისხმობს, რომ წინ დაუვიწყარი დღეები გელოდებათ. მინდა აღვნიშნო, რომ „ჯინო ფერედაისი“ აღმოსავლეთ ევროპაში ერთადერთი გამაჯანსაღებელ-სარელაქსაციო კომპლექსია, რომელიც მოიცავს აკვაპარკს, სპა სივრცესა და ახლა უკვე სასტუმროს.
აღსანიშნავია, რომ Gino Paradise 5 წლის ჩათვლით პატარებს ყოველთვის უფასოდ მასპინძლობს. ბავშვებს ამ სეზონზე საინტერესო და სახალისო აქტივობები ელოდებათ.
გარდა ამისა, „ჯინოში“ აუზების პარალელურად იფუნქციონირებს სარელაქსაციო და გასართობი სივრცეები, რომლებიც საუკეთესო დასვენებისა და განტვირთვის წინაპირობაა.
„ჯინოში“ არსებულ ველნეს & სპა სივრცეში შეგიძლიათ ისეთი უნიკალური სერვისებით ისარგებლოთ, როგორიც არის სხვადასხვა ვირპული, ოქროს თერაპია, მაკედონელის ოქროს სავარძელი, 6 ტიპის საუნა, ტეპიდარიუმი, ექსელენთ სივრცე დახურული წვეულებებისთვის. ჩამოთვლილთაგან ყველა მათგანი საშუალებას მოგცემთ განიტვირთოთ, მაქსიმალურად დაისვენოთ და ძალები აღიდგინოთ. ექსელენთში შეგიძლიათ გადაიხადოთ დაბადების დღე ან აღნიშნოთ ნებისმიერი სხვა მნიშვნელოვანი ღონისძიება.
ქეთი, რამდენი ხანია Gino Paradise რაც ბაზარზე ოპერირებს?
Gino Paradise Tbilisi 2014 წელს გაიხსნა და მას შემდეგ გართობის, დასვენებისა და ზაფხულის მთავარ სიმბოლოდ იქცა დედაქალაქისა და მისი სტუმრებისთვის. წლიდან წლამდე Gino-ს გუნდი ორიენტირებულია მომსახურების თანამედროვე სტანდარტების დანერგვასა და განვითარებაზე. დღევანდელი გადმოსახედიდან, თბილისის ზღვის სარეკრეაციო ზონაში Gino Paradise-ის გახსნა მართლაც საუკეთესო გადაწყვეტილება იყო.
აღსანიშნავია, რომ ჰოლდინგი აგრძელებს ზრდას და აკვაპარკიდან სულ რამდენიმე მეტრში უკვე ჩვენი ახალი სასტუმრო მასპინძლობს სტუმრებს. ასევე, იგეგმება თბილისში, მელიქიშვილის გამზირე ახალი სასტუმროს გახსნა, სადაც აუცილებლად დაგპატიჟებთ.
როგორ ფიქრობთ, რა არის Gino Paradise-ის უპირატესობა?
არ ვიცი, რა უნდა გიპასუხოთ, რომ თავის ქებაში არ ჩაგვეთვალოს… დარწმუნებით შემიძლია გითხრათ, რომ აღმოსავლეთ ევროპის მასშტაბით ვერ ნახავთ ჩვენს ტოპოგანზე უფრო დიდ სლაიდს. საქართველოში ვერ ნახავთ სივრცეს, რომელიც აკვაპარკს, ველნეს & სპას, დაბადების დღის ცენტრსა და სასტუმროს აერთიანებს. ასევე, გვაქვს უზომოდ გემრიელი სამზარეულო, გვყავს მასაჟის პროფესიონალი სპეციალისტები.
გარდა ამისა, გარემო არის სრულიად ჯანსაღი, მაშველები კი ნებისმიერი პრობლემური სიტუაციისთვის არიან გადამზადებულნი. ასევე, „ჯინო ფერედაისი“ განსაკუთრებულად ზრუნავს სტუმრების ჯანმრთელობასა და უსაფრთხოებაზე, ამიტომ აუზებში 24/7-საათიან რეჟიმში მიმდინარეობს სამმაგი ფილტრაცია. წყლის ტემპერატურა მზიან ამინდზე არ არის დამოკიდებული, რადგან ხელოვნურად თბება. თამამად შემიძლია გითხრათ, რომ Gino-ში ყველაფერია თქვენი უსაფრთხო და სასიამოვნო დასვენებისთვის.
სამომავლო გეგმები…
წინ გრანდიოზული გეგმები გვაქვს, რომელიც თბილისის ზღვის ტერიტორიას ქალაქის გამორჩეულ ნაწილად აქცევს. Gino აგრძელებს ზრდას, განვითარებას, უამრავ ახალ პროექტზე მუშაობას, ხალხის დასაქმებასა და ერთგული მომხმარებლების გაბედნიერებას. ამ ყველაფერს კი ვაკეთებთ დიდი სიყვარულითა და მონდომებით და, რა თქმა უნდა, ჩვენი სერვისების მიმართ ინტერესის ზრდა იმაზე მიუთითებს, რომ სწორი გზით მივდივართ.
ტექსტი: სოფიო მალანია
ფოტო: ალექსეი სეროვი
