საცხოვრებელი კომპლექსი Garden Hills კომპანია „ალფა ფროფერთის“ მიმდინარე პროექტია. კომპლექსი თბილისის ისტორიულ არეალში, კერძოდ, ჩუღურეთის რაიონში 30 000 კვ.მ. ფართობზე მდებარეობს. ის მოიცავს 7 ხუთსართულიან საცხოვრებელს, 1 კომერციულ ბლოკს და 8000 კვ.მ. რეკრეაციულ სივრცეს. ტერიტორიაზე იქნება სუპერმარკეტი, აფთიაქი და კაფე, ასევე, მცირეწლოვანი ბავშვების მშობლების კომფორტისთვის Garden Hills-თან ფუნქციონირებს საბავშვო ბაღი. ამ ყველაფრის გათვალისწინებით, პროექტი მიმზიდველია როგორც საცხოვრებლად, ისე საინვესტიციო თვალსაზრისითაც. Garden Hills-ის უპირატესობებზე უფრო დეტალურად მარკეტინგის დირექტორი სალომე მდინარაძე გვიამბობს.
რა არის ის ძირითადი უპირატებები, რაც Garden Hills-ის კომპლექსს გამოარჩევს?
პროექტის უპირატესობა დაბალი ინტენსივობის განაშენიანება და პანორამული ხედებია. ასევე, კომპლექსს მიმზიდველს ხდის რეკრეაციული და მწვანე სივრცეები, სადაც დაგხვდებათ 4 სეზონზე გათვლილი მარადმწვანე ეზო, ფეხბურთისა და ჩოგბურთის მოედნები, ბავშვებისთვის მოწყობილი გასართობი სივრცე. ამასთანავე, მობინადრეების კომფორტისთვის თითოეულ საცხოვრებელ შენობას იზოლირებული მიწისქვეშა პარკინგი აქვს. ყველა ეს დეტალი კომპლექსს დამატებით უპირატესობას სძენს.
Garden Hills-ი ახლოს არის ტურისტულ ატრაქციებთან, ტერიტორიიდან მცირე მანძილზე მდებარეობს საბავშვო ბაღი, სკოლა და უნივერსიტეტი. აქედან გამომდინარე, პროექტი როგორც საცხოვრებლად, ისე საინვესტიციო თვალსაზრისითაც მიმზიდველია.
როგორია მოთხოვნა ბინებზე?
თბილისის ისტორიული უბნების მიმართ ინტერესი ყოველთვის იყო და ის არცერთ ეტაპზე არ შენელებულა. მსგავსი უბნები მუდმივად არის როგორც ტურისტების, ისე ადგილობრივების ყურადღების ცენტრში, ამას მოწმობს გაყიდული ბინების პროცენტული მაჩვენებელიც, რაც დაახლოებით 65%-ს შეადგენს. ისტორიულ უბნებში ქონებაზე ფასი მზარდია, რაც მათ საინვესტიციო თვალსაზრისითაც საინტერესო ლოკაციებად აქცევს.
როგორია გადახდის პირობები და რა მდგომარეობაში ბარდება ბინები?
გადახდის პირობებს რაც შეეხება, თამამად შემიძლია გითხრათ, რომ საუკეთესო, უკონკურენტო პირობები გვაქვს, როგორც შიდა განვადებაზე, ასევე საბანკო კუთხით. ჩვენი პარტნიორია „თიბისი“ ბანკი, რომელიც განსაკუთრებულ პირობებს და პროცენტს სთავაზობს ჩვენ მომხმარებელს.
ამ ეტაპზე ერთიანი გადახდით ან ბანკით ბინის შეძენის შემთხვევაში გვაქვს 10%-იანი ფასდაკლება. შიდა განვადება გვაქვს მომავალი წლის მარტამდე. ამ პერიოდის განმავლობაში მაქსიმალურად ვერგებით ყველა მყიდველის მოთხოვნას და ვუწყობთ ხელს ბინის შეძენაში. მათ შეუძლიათ გამოიყენონ ეს პერიოდი და შეადგინონ მათზე მორგებული ინდივიდუალური გადახდის გრაფიკი. ოფისში მოსულ ყველა მყიდველს კი დახვდება ინდივიდუალური საჩუქარი შიდა განვადებით ბინის შეძენის შემთხვევაში. ბინები ბარდება მწვანე კარკასის მდგომარებით.
როდის დასრულდება პროექტი?
მშენებლობა 2022 წლის ზაფხულში დაიწყო და სამშენებლო პროცესი ყველა საცხოვრებელ ბლოკში მიმდინარეობს. პირველი ეტაპი მოიცავს 4 ბლოკს, რომელთა მშენებლობაც უკვე დასასრულისკენ მიდის, ბლოკები მწვანე კარკასის მდგომარეობით მზად იქნება გაზაფხულის ბოლოს, ამ ეტაპზე მიმდინარეობს ფასადის მოწყობისა და სადარბაზოების მოპირკეთების სამუშაოები, აგრეთვე ნაწილი კარკასების უკვე დასრულებულია. რაც შეეხება მეორე ეტაპს, ის აგრეთვე 4 ბლოკს მოიცავს, მათი მშენებლობაც პარალელურ რეჟიმში მიმდინარეობს და მზად იქნება 2025 წლის გაზაფხულისთვის. მშენებლობა სრულად 2025 წლის ბოლოს დასრულდება.
