#OK! „ევროვიზია 2026“ - გავიხსენოთ კონკურსის ყველაზე დასამახსოვრებელი ვარსკვლავები

12 მაისს, ავსტრიის დედაქალაქ ვენაში „ევროვიზია 2026“ ოფიციალურად დაიწყო. მთავარი შოუები 14 და 16 მაისს გაიმართება, ხოლო ღონისძიებას „Wiener Stadthalle“-ის არენა მასპინძლობს.

კონკურსში 35 ქვეყანა მონაწილეობს.

ფინალში ავტომატურად გადავიდნენ მასპინძელი ავსტრია და „დიდი ოთხეულის“ ქვეყნები – საფრანგეთი, გერმანია, იტალია და გაერთიანებული სამეფო. დანარჩენი მონაწილეებიდან ნახევარფინალიდან ფინალში გადავიდნენ: საბერძნეთი, ბელგია, ფინეთი, შვედეთი, მოლდოვა, ისრაელი, სერბია, კროატია, ლიეტუვა და პოლონეთი

წლევანდელ ევროვიზიაზე საქართველოს ჯგუფი „ბზიკები“ წარადგნენ სიმღერით „On Replay“. მუსიკის ავტორი გიგა კუხიანიძეა, ტექსტი კი საბავშვო ევროვიზია 2014 წლის მონაწილეს – ლიზი ჯაფარიძეს (Lizi-Pop) ეკუთვნის.

„ბზიკების“ შემადგენლობაში არიან გიორგი შიოლაშვილი, მარიამ თათულაშვილი და მარიამ კიკუაშვილი. ჯგუფმა საქართველოს პირველი გამარჯვება საბავშვო ევროვიზიაზე 2008 წელს მოუტანა. 18 წლის შემდეგ კი ჯგუფი ,,ბზიკები” „ევროვიზიის“ დიდ სცენაზე დაბრუნდა ნახევარფინალში, თუმცა ფინალში ვერ გადავიდა.

„ევროვიზია 2026“-ის ფინალის მოახლოებასთან ერთად, გავიხსენოთ ის არტისტები, რომლებმაც სწორედ ევროვიზიის სცენაზე გამოსვლით საერთაშორისო პოპულარობა და მსოფლიო აღიარება მოიპოვეს.

ABBA

ლეგენდარულმა შვედურმა ჯგუფმა ევროვიზია 1974 წელს სიმღერით „Waterloo“ მოიგო – ესმათი საერთაშორისო წარმატების დასაწყისი გახდა.

კონკურსში გამარჯვების შემდეგ ABBA მსოფლიო მუსიკის ისტორიაში ერთ–ერთ ყველაზე წარმატებულ და გავლენიან პოპჯგუფად ჩამოყალიბდა. მათი ჰიტები — „Dancing Queen“, „Mamma Mia“, „Gimme! Gimme! Gimme!“ და „The Winner Takes It All“ — დღემდე პოპულარობას ინარჩუნებს, ხოლო ჯგუფის მუსიკის საფუძველზე მოგვიანებით ცნობილი მიუზიკლი და ფილმი „Mamma Mia!“ შეიქმნა.

Celine Dion

კანადელმა მომღერალმა ევროვიზიაზე შვეიცარია 1988 წელს სიმღერით „Ne partez pas sans moi“ წარადგინა და კონკურსის გამარჯვებული გახდა. სწორედ ევროვიზიის შემდეგ დაიწყო მისი საერთაშორისო კარიერის სწრაფი აღმასვლა. მოგვიანებით სელინ დიონი მსოფლიო მუსიკის ერთ–ერთ ყველაზე წარმატებულ არტისტად იქცა, ხოლო მისი ჰიტები — „My Heart Will Go On“, „Because You Loved Me“ და „The Power of Love“ — დღემდე პოპულარობას ინარჩუნებს.

Alexander Rybak

ნორვეგიელმა მომღერალმა ევროვიზია 2009 წელს სიმღერით „Fairytale“ მოიგო და კონკურსის ისტორიაში ერთ–ერთი ყველაზე დასამახსოვრებელი გამარჯვება მოიპოვა. სიმღერა მალევე იქცა -„Fairytale“ დღემდე ევროვიზიის ერთ–ერთ ყველაზე პოპულარულ და ცნობილ სიმღერად მიიჩნევა.

Måneskin

იტალიურმა როკჯგუფმა ევროვიზია 2021 წელს სიმღერით „Zitti e buoni“ მოიგო. კონკურსის შემდეგ მათი სიმღერები — „Beggin’“, „I Wanna Be Your Slave“ და „Supermodel“ — საერთაშორისო ჩარტებში მოხვდა, ხოლო ჯგუფმა ევროპისა და ამერიკის მასშტაბით არაერთი წარმატებული ტურნე გამართა. დღეს Måneskin თანამედროვე როკმუსიკის ერთ–ერთ ყველაზე პოპულარულ ჯგუფად მიიჩნევა.