სამკაულის საშუალებით თქვენ შეგიძლიათ კიდევ უფრო გამოკვეთოთ თქვენი სტილი და ხაზი გაუსვათ ინდივიდუალიზმს. სწორედ უნიკალური და განსხვავებული დიზაინით გამოირჩევა ქართული ბრენდი ,,ეთნოჰიტი’’ ბაზარზე, რომლის მიზანია, საქართველოს ოქროს და ბრინჯაოს ხანის სამკაულების თანამედროვე იერსახის შექმნა. თუ რას სთავაზობს ბრენდი საზოგადოებას და სად შეგვიძლია მისი შეძენა, ამის შესახებ, ბრენდის დამფუძნებელი არინა ხეჩოევა გვიამბობს.
როგორია ,,ეთნოჰიტის’’ შექმნის ისტორია?
ჩვენ აღნიშნულ სფეროში მუშაობის 18 წლიანი გამოცდილება გვაქვს. ყოველთვის გვინდოდა ბრენდის შექმნა და საბოლოოდ ნელ-ნელა მივედით ამ ეტაპამდე.
,,ეთნოჰიტის’’ ძირითადი კონცეფცია არის საქართველოს სამუზეუმო არტეფაქტები, რაც თანამედროვე სამკაულების შექმნის ინსპირაციაა. ამ ყველაფრიდან გამომდიანრეობს ჩვენი ბრენდის სახელიც.
რას სთავაზობთ საზოგადეობას?
მომხმარებელს ვთავაზობთ ხელნაკეთ სამკაულებს, რომელიც იქმნება უნიკალური ვიტრაჟული და ტიხრული მინანქრის ტექნოლოგიით და გამოირჩევა თავისი ექსკლუზიური პროდუქციის ხაზით.
,,ეთნოჰიტი” უპირატესობას ანიჭებს მხოლოდ მაღალი 925 სინჯის ვერცხლს. სამკაულების ნაწილი მოოქროვილია 24 კარატიან ოქროში. გარდა ამისა, ვიყენებთ ცირკონებს და ნატურალურ ქვებს.
რა გამაორჩევს ,,ეთნოჰიტს’’ ბაზარზე?
რა თქმა უნდა, უნიკალური დიზაინი, რომელიც ხაზს უსვამს ქართულ ხასიათს. მაგალითად, როგორიცაა საყურე – ,,ოქროს ხანა”, რომელიც განსაკუთრებული პოპულარობით სარგებლობს ყველა ასაკის და გემოვნების ადამიანში.
აღსანიშნავია, რომ ჩვენი გუნდის გამართული მუშაობის შედეგია მუდმივად განახლებადი დიზაინი. სწორედ ამის დამსახურებით ხშირად გვიწვევენ როგორც ადგილობრივ, ისე საერთაშორისო გამოფენებზე,
სად არის შესაძლებელი თქვენი პროდუქციის შეძენა?
ამ ეტაპზე შესაძლებელია მხოლოდ ონლაინ, facebook და instagram გვერდებზე.
მინდა აღვნიშნო, რომ ბრენდის სამკაული დიდ ინტერესს იწვევს როგორც უცხოელ, ასევე ქართველ მომხმარებელში.
სამომავლო გეგმები…
ეხლახან დავასრულეთ მუშაობა საზაფხულო კოლექციაზე. ვთვლი, რომ ჩვენი გამორჩეული და დახვეწილი სამკაული ყოველდღიურ სამოსს უფრო მიმზიდველს და საღამოს კაბებს კი უფრო ელეგანტურს გახდის. ჩვენ მომხმარებელს არაერთ, ახალ და საინტერესო კოლექციას ვპირდებით.
