28 წლის დემი ლოვატო აგრძელებს საკუთარ თავზე გულახდილ საუბარს და ამჯერად ჯო როგანის პოდკასტში ისაუბრა ისეთ თემებზე, როგორიცაა მისი სექსუალური ორიენტაცია, კერძოდ კი, პანსექსუალობა, რომელიც ორივე სქესისადმი გამოხატულ ინტერესს გულისხმობს.
დემის თქმით, რელიგიური საკითხებიდან გამომდინარე, დიდი ხნის მანძილზე იყო ჩაკეტილი, თუმცა ახლა ამაყობს იმით, რომ ლგბტ საზოგადოების წევრია.
“მე გავიგე, როგორ უწოდა ვიღაცამ ლგბტ-ს ანბანური მაფია. მე ვამაყობ რომ ამ მაფიის წევრი ვარ.”
ასევე, შეგახსენებთ, რომ გასული წლის სექტემბერში, დემი საქმროს – მაქს ერიხს დაშორდა, რაც ასევე ერთგვარი გარდამტეხი მომენტი აღმოჩნდა მისთვის:
“ვფიქრობდი, რომ დავქორწინდებოდი და დავორსულდებოდი. თუმცა ეს ასე არ მოხდა. მაშინ ვიფიქრე რომ ეს განსაკუთრებული ნიშანია. ახლა როცა ვიცი რომ მთელი ცხოვრება ერთი ადამიანის გვერდით არ უნდა ვიცხოვრო, თავს გაცილებით უფრო მშვიდად ვგრძნობ,” -აღნიშნა მან.
