ძნელად თუ მოიძებნება ისეთი ადამიანი, ვისაც შოკოლადი არ უყვარს. ტკბილეულის მოყვარულებს კი ქართული სტარტაპის შესახებ გიამბობთ. „შოკოჰოლიკი“ პანდემიის პერიოდში შეიქმნა. თეა სამადაშვილ-ედიშერაშვილმა მიზნად დაისახა, კარგად დავიწყებული ძველი გემოების გაცოცხლება და ახალი არომატის და სტრუქტურის თქვენამდე მოტანა. თუ რა სახის პროდუქციას სთავაზობს ბრენდი მომხმარებელს და სად არის მისი დაგემოვნება შესაძლებელი OK!-ის სტატიიდან გაიგებთ.
„შოკოჰოლიკის“ შექმნის ისტორია
მოგეხსენებათ, ქართულ ბაზარზე არ ვართ განებივრებული ხარისხიანი, ნატურალური პროდუქტებით, მათ შორის ტკბილეულით. კონდიტერიით წლებია დაინტერესებული ვარ, პანდემიის პერიოდში კი უფრო მეტად გამიტაცა ამ საქმემ. გადავწყვიტე შემექმნა ,,რამე გემრიელი’’, ისეთი, რასაც უპირველესად ჩემი შვილები შეიყვარებდნენ. სწორედ ამიტომ გადავწყვიტე, ძველი გემოების გაცოცხლება. ასე შეიქმნა, ნუგა, კარამელი, ასევე, ფრანგული ტექნოლოგიით შემუშავებული ბონბონები და ტრიუფელები.
ჩემი მიზანი იყო, ჩემი შექმნილი ტკბილეული ერთნაირად მოწონებოდა, როგორც ბავშვს ისე უფროსს.
„შოკოჰოლიკის“ პროდუქცვიის უპირატესობა
ამჟამად, ჩვენს მომხმარებლებს ვთავაზობთ 5 სხვადასხვა სახის ნუგებს. გვაქვს სასაჩუქრე ბოქსები, რომელიც ვიზუალურადაც და გემოვნური თვალსაზრისითაც, ძალიან პრეზენტაბელური საჩუქარია. ასევე ბონბონებს და ტრიუფელებს. უპირველესად, ჩვენი პროდუქცია გამოირჩევა ხარისხით. ძალიან დიდი ყურადღებას ვაქცევ შემადგენლობას, ჩვენი ტკბილეული დამზადებულია მხოლოდ ნატურალურ ინგრედიენტებზე.
ბრენდის ერთ-ერთი უპირატესობად ვთვლი სიახლისაკენ სწრაფვას. ჩემი მიზანია, ყველა შემდეგი პროდუქტი წინაზე უკეთესი იყოს.
ყველაზე მოთხოვნადი პროდუქტი
ერთმნიშვნელოვნად ნუგა. მისი კონსისტენციის და გემოდან გამომდინარე, ეს პროდუქტი უფროსებშიც და ბავშვებიც ერთნაირად მოთხოვნადია. ყველას უყვარს ბევრი თხილეული და კარგად ღეჭვადი ტკბილი, გემრიელი მასა.
სად შეუძლია საზოგადოებას თქვენი პროდუქციის შეძენა?
ამჟამად ჩვენი პროდუქციის შეძენა შესაძლებელია, როგორც ონლაინ, ასევე კაფე “ლეილა”-ში. გვაქვს მიტანის სერვისი. ჩვენთვის მომხმარებლის აზრი ძალიან მნიშვნელოვანია, ამიტომ შეძლებისდაგვარად ყველას ვთხოვ ,,ფიდბექს’’, რადგან ყველა ის რჩევა, თუ შენიშვნა სამომავლოდ გავითვალისწინო და გამოვასწორო.
სამომავლო გეგმები
სამომავლოდ აუცილებლად იგეგმება ჩვენი მაღაზიის გახსნა, სადაც მომხმარებელს საშუალება ექნება მოვიდეს და ადგილზე შეიძინოს მათთვის საყვარელი პროდუქცია. გვაქვს მოლაპარაკება რამდენიმე ძალიან კარგ ობიექტებთან, სადაც „შოკოჰოლიკის“ პროდუქცია გაიყიდება. ამ ყველაფერს დაემატება მუდმივი სიახლეები და ყველაზე მთავარი, სტაბილური და მაღალი ხარისხი. ასევე, მინდა ავღნიშნო, რომ ჩვენს პროდუქციაზე მოთხოვნა საზღვრებს გარეთაცაა და სამოამვლოდ ვგეგმავთ მის გატანას.
