26 წლის ამერიკელმა მსახიობმა ტიმოთი შალამემ საყოველთაო აღიარება უნიკალური შესრულებით, ყველასგან განსხვავებული გარეგნობითა და გამორჩეული პიროვნული მახასიათებლებით მოიპოვა. ის არის არტისტი, რომელიც პროფესიული კუთხით გამუდმებით იზრდება და ყალიბდება. ტიმოთის სამსახიობო კარიერა 2018 წლის შემდგომ რადიკალურად შეიცვალა, როდესაც ის გახდა ყველაზე ახალგაზრდა მსახიობი, რომელიც ბოლო 80 წლის განმავლობაში “ოსკარის“ დაჯილდოებაზე საუკეთესო მსახიობის კატეგორიაში იყო ნომინირებული. Call Me By Your Name გახდა ფილმი და მსახიობის პირველი მთავარი როლი, რომელიც საზოგადოების დიდმა ნაწილმა კულტურული აღფრთოვანების ობიექტად აქცია.
კიდევ ერთი მიზეზი, რატომაც მსახიობი სხვებისგან ასე გამორჩეულია – ექსპერიმენტული სტილია, მისი მიდრეკილება ახალი ბრენდებისკენ ყოველთვის საინტერესო, გემოვნებიანი და მოდური არჩევანით სრულდება. აღსანიშნავია ის ფაქტიც, რომ ტიმოთის არ ჰყავს პირადი სტილისტი, რაც მის გარეგნობას კიდევ უფრო მეტად გამორჩეულს ხდის. ტიმოთი მოდის ინდუსტრიაში ერთ-ერთი ყველაზე გავლენიანი ადამიანია, მაგალითად, როდესაც ახალგაზრდა შემსრულებელმა „ვენეციის კინოფესტივალზე“ ჰაიდერ აკერმანის სამოსი ჩაიცვა, დიზაინერის პოპულარობა ინტერნეტში საგრძნობლად გაიზარდა.
ვარსკვლავი 2021 წელს წითელ ხალიჩაზე არაერთი შესანიშნავი “ლუქით” გამოჩნდა, რამაც მიმდინარე წლის ერთ-ერთი ყველაზე გემოვნებიანი მამაკაცის სტატუსი კიდევ ერთხელ მოუტანა.
ტიმოთი შალამეს მოდური ექსპერიმენტები გრძელდება. ვარსკვლავი “ოსკარების” რიგით 94-ე დაჯილდოებაზე “ლუი ვიტონის” სამოსით გამოჩნდა, ბრენდის 2022 წლის უახლესი კოლექციიდან.
men should apologize for not being timothée chalamet #oscar pic.twitter.com/9OgVQuM2Vk
— aurs 🪷 ceo of tom holland (@starkerwiitch) March 27, 2022
უცხოურმა გამოცემებმა ტიმოთი შალამეს ჩაცმულობა 2022 წლის ოსკარების დაჯილდოების მამაკაცის საუკეთესო ჩაცმულობად დაასახალეს.
წყარო: Independent
იხილეთ ასევე:
#OK! 54 წლის ნიკოლ კიდმანი “ოსკარების” დაჯილდოებაზე Armani Privé-ის გლამურული კაბით წარსდგა
