3 მაისს საზოგადოებისთვის ცნობილი გახდა, რომ ურთიერთობა კიდევ ერთმა ყველაზე წარმატებულმა და ცნობადმა წყვილმა დაასრულა. სამწუხაროდ, ბილ და მელინდა გეითსებმა ოცდაშვიდწლიანი ქორწინების შემდეგ, დაშორება გადაწყვიტეს.
“ჩვენ აღარ გვწამს, რომ ისევ შეგვიძლია განვვითარდეთ, როგორც წყვილი. ხანგრძლივი ფიქრისა და ურთიერთობაზე მუშაობის შემდეგ, გადავწყვიტეთ, დავასრულოთ ჩვენი ქორწინება,”- დაწერა წყვილმა ტვიტერზე.
აღსანიშნავია, რომ წყვილმა ერთმანეთი 1980-იან წლებში გაიცნო, როდესაც მელინდა Microsoft-ის გუნდს შეუერთდა და მალევე იქორწინა.
მათ დღეს სამი საერთო შვილი ჰყავთ.
ასევე, ყოფილი ცოლ-ქმარი ერთობლივ ფონდს – Bill and Melida Gates Foundation-ს ფლობს, რომელიც ინფექციური დაავადებების გავრცელებას ებრძვის და ბავშვების ვაქცინაციის პროცესს უწყობს ხელს.
წყვილის გადაწყვეტილებით, ისინი დაშორების მიუხედავად, განაგრძობენ ამ თემებზე ერთად მუშაობას.
გამომდინარე იქიდან, რომ ბილ გეითსი Forbes-ის მიხედვით მსოფლიოს რიგით მეოთხე უმდიდრესი ადამიანია და 124 მილიარდ დოლარს ფლობს, ბუნებრივია საზოგადოების ინტერესი გაყრის შემდგომი პროცესებისკენ არის მიმართული, თუმცა ჯერჯერობით ეს ინფორმაცია არ საჯაროვდება.
/cdn.vox-cdn.com/uploads/chorus_asset/file/19713139/958624450.jpg.jpg)
