საერთაშორისოდ აღიარებული ქართველი დიზაინერის დევიდ კომას სამოსი დღითიდღე უფრო აქტუალური ხდება. შემოქმედის ოლექციებში წლების გასვლის შემდეგაც კი კონკრეტული დეტალები უცვლელი რჩება, კომფორტის ახალი ელემენტების შერწყმით და უფრო გამარტივებული მინიმალისტური სილუეტების ხაზგასმით დიზაინერი დახვეწილ და პერფექციონისტულ ნამუშევრებს გვთავაზობს.
ქართველი შემოქმედის დახვეწილი დიზაინითა და ორიგინალური სტილით შექმნილი სამოსი არაერთხელ მოირგეს მსოფლიო დონის ისეთმა ვარსკვლავებმა როგორებიც არიან ლედი გაგა, ჯიჯი ჰადიდი, სკარლეტ იოჰანსონი, ჯენიფერ ლოპეზი და სხვები.
ამჯერად დევიდ კომას სამოსით “ოსკარების” დაჯილდოებაზე ბიონსე ნოულზი გამოჩნდა, რომელმაც ქართველი დიზაინერის სამოსი პერფორმანსის დროს მოირგო.
კაბა არის ბრენდის 2022 წლის გაზაფხული/ზაფხულის კოლექციიდან.
