“პეპიტო” ჟელატინებისგან შექმნილი უგემრიელესი ტკბილეულის ბრენდია, რომლის დაფუძნების იდეას “კოვიდის” პერიოდში სტომატოლოგ ნათია ხუჭუას გაუჩნდა და მას შემდეგ ყოველდღიურად ცდილობს მის შემოქმედებას მეტი მრავალფეროვნება და არომატები შემატოს. როგორც თავად ამბობს, პროდუქცია გამოირჩევა თავისი საოცარი ფერადოვნებით, სილამაზით, ჰაეროვნებით და სასარგებლო თვისებებით. მისი კეთება შემოქმედებითი პროცესია, არასდროს არაფერში არ ხარ შეზღუდული, შეგიძლია მაქსიმალურად გაშალო შენი ფანტაზია – ფერები, ფორმები, გემოები… მოკლედ ბევრი რომ არ გავაგრძელოთ, გთავაზობთ ინტერვიუს ნათია ხუჭუასთან.
ნათია, უპირველესად გაგვეცანით.
მე გახლავართ, ნათია ხუჭუა, 30 წლის, ვცხოვრობ თბილისში, მყავს მეუღლე და 7 წლის შვილი. ვარ ჟელატინის პროდუქციის ტკბილეულის „პეპიტოს“ შემქმნელი. ჩემს „პეპიტოს“, რომელიც ძირითადად „ჟელატინისგან“ შექმნილ ტკბილეულს აკეთებს, ჯერ „ბრენდს“ ვერ ვუწოდებდი, თუმცა დიდი იმედი მაქვს, რომ გაიზრდება მისი ცნობადობა, მოთხოვნები და როდესმე ბრენდადაც კი იქცევა.
გვიამბეთ თქვენს ძირითად პროფესიაზე. როგორც ვიცით სტომატოლოგი ხართ.
რაც შეეხება ჩემს ძირითად პროფესიას, მე პროფესიით სტომატოლოგი. გახლავათ, მიყვარს ჩემი პროფესია და ვცდილობ მაქსიმალური გავაკეთო იმისთვის, რომ კარგი პროფესიონალი გავხდე. მაქვს სურვილი და იმედიც, რომ როდესმე საკუთარი კლინიკა მექნება. საერთოდ, ძალიან მიზანდასახული ადამიანი ვარ და თუ რაიმე გადავწყვიტე აუცილებლად ყველაფერს ვაკეთებ იმისთვის, რომ მივაღწიო კიდეც. „მონდომება და მიღწევა” – ეს ჩემი დევიზია და შთაგონებით ვცხოვრობ.
საიდან გაგიჩნდათ სურვილი და იდეა, გაგეხსნას საკუთარი საკომდიტრო ნაწარმის ბრენდი? რატომ ჟელატინები?
„საკონდიტროს“ გახსნამდე, ალბათ, ჯერ კიდევ ბევრი რამაა გასაკეთებელი, მაგრამ „საკუთარი საქმე“, რომელიც ჟელატინისგან დამზადებული სხვადასხვა ტკბილეულია დიდი ხანია არაა, რაც დავიწყე, თუმცა იდეა „კოვიდის“ პერიოდში მომივიდა, როცა ძირითადად ყველანი სახლში ვიყავით გამოკეტილები და აღარ ვიცოდით, როგორ „გაგვერთო“ თავი და გადაგვეტანა ის პერიოდი, მით უმეტეს, როცა სახლში პატარა ბავშვი გყავს, რომელსაც სულ ყურადღება და გართობა სჭირდება და რაღაცით გახალისება. არ შემიძლია არ აღვნიშნო “ჟელე ნინა”, რომელიც ამ პერიოდში გვერდში მედგა და თავის ცოდნას მიზიარებდა, რისთვისაც ძალიან მადლიერი ვარ.
საერთოდ, სამზარეულო ძალიან მიყვარს, საჭმლის კეთებაც და ცხობაც ცუდად არ გამომდის, მე ძალიან სტუმართმოყვარე, იმერულ ოჯახში გავიზარდე, ქუთაისში, სადაც დედაც, ბებიაც და ყველა ქალი ირგვლივ საუკეთესო დიასახლისი იყო, ისე, რომ მეც ბავშვობიდან ჩართული ვიყავი ასე ვთქვათ „სამზარეულოს საქმეებში.“
გვიამბეთ პროდუქციის შექმნის პროცესზე.
„ჟელატინის“ ბაზაზე შექმნილი პროდუქცია გამოირჩევა თავისი საოცარი ფერადოვნებით, სილამაზით, არის ჰაეროვანი და სასარგებლო თვისებების მქონე. მისი კეთება შემოქმედებითი პროცესია, არასდროს არაფერში არ ხარ შეზღუდული, შეგიძლია მაქსიმალურად გაშალო შენი ფანტაზია – ფერები, ფორმები, გემოები… განსხვავებით სხვა ტიპის საკონდიტრო ნაწარმისგან, არ არსებობს ერთი კონკრეტული რეცეპტი, ყოველთვის შეგიძლია რაიმე შეცვალო გემოვნების და სურვილის მიხედვით… ვცდილობ, გამოვიყენო ბუნებრივი „მაფერადებლები“ – სახლში გაკეთებული მურაბები, ჯემები, ცოცხალი ხილი… თუმცა ცხადია, კონკრეული ფერის მისაცემად ვიყენებ სხვადასხვა სიროფს და საკონდიტრო – ფერის მიმცემ საშუალებებსაც… უხვად ვიყენებ თხილეულს, მაღალი ხარისხის შოკოლადს, კაკაოს, რძის ნაღებს, ხაჭოს…. მოკლედ, რომ ვთქვა, ყველაფერს, რაც ჩემ „პეპიტოს“ ნაწარმს მაქაიმალურად „გემრიელს“ და „ლამაზს“ ხდის და რაც მთავარია, ჩემს მიერ გამოყენებული ყველა პროდუქტი უმაღლესი ხარისხისაა.
სად შეგვიძლია “პეპიტოს” ჟელატინების შეძენა?
ამ ეტაპზე „პეპიტოს“ „ჟელატინის ტკბილეულის“ შეძენა მხოლოდ ონლაინ შეიძლება, „პეპიტოს“ „ფეისბუქ-გვერდიდან”. შემკვეთისთვის ადგილზე მიტანით. ხშირად, როცა ამის საშუალება მაქვს, პროდუქცია ჩემი ხელით მიმაქვს დამკვეთთან, ძალიან მიხარია და მსიამოვნებს მათი დადებითი ემოციების ნახვა და გაზიარება, ეს მე სტიმულს და სიხალისეს მმატებს. იმედი მაქვს, მომავალში გვექნება ადგილი, სადაც „ჟელატინის“ მოყვარულებს შეეძლებათ მოსვლა, დაგემოვნება და შეძენა.
როგორია “პეპიტოს” სამომავლო გეგმები?
რაც შეეხება სამომავლო გეგმებს, ძალიან მინდა გავაკეთო სპეციალური ხაზი „დიაბეტის“ მქონდე ადამიანებისათვის და ასევე „ვეგანური“ ხაზი, მათთვის, ვისაც არ სურს ცხოველური წარმოშობის მასის „შემკვრელის“ მიღება, დღევანდელი საკონდიტრო წარმოება ამის საშუალებას ნამდვილად იძლევა – მოიპოვენა, როგორც არაშაქრის შემცვლელი დამატკბობლები, ისე საკონდიტრო მასის მცენარეული „შემკვრელები”. ისე, რომ ვფიქრობ, ამ მხრივ, საინტერესო შეთავაზება გვექნება ჩვენი კლიენტებისთვის. იმედს გამოვთქვამ, რომ „პეპიტო“ თავის საქმიანობას ისევე წარმატებით გააგრძელებს, როგორც დაიწყო და მალე ჩვენს საკუთარ საკონდიტროში გიმასპინძლებთ.
