საქართველოს ეროვნული ნაკრების ფეხბურთელი გიორგი ქოჩორაშვილი გადაცემის ,,მხოლოდ ლელასთან” სტუმარია, რომლის ეთერშიც საქართველოს შესახებ საუბრობს, მისი თქმით ამაყობს რომ ქართველია.
,,ვამაყობ, რომ ქართველი ვარ. ის რაც შევძელით მთელმა საქართველომ და ნაკრებმა ძალიან დიდი სიხარული იყო. დარწმუნებული ვარ რომ ჩვენს ქვეყანას ვიხილავთ გაბრწყინებულს და ამისთვის ყველაფერს გავაკეთებთ.
როდესაც იცი, რომ მართალი ხარ, ისევე როგორც შენი ოჯახი და ქვეყანა უფრო ადვილია, რომ სწორი გზა მონახო. იგივეა პენალტიც, თუ ცდილობ რომ უკეთესად დაარტყა, უკეთესად გემუშავა ყველაფერი ძალიან კარგად იქნება.
სიმართლით მინდა ვიარო მთელი ცხოვრება, ფეხბურთელის კარიერა მთავრდება 15 წელიწადში, მაგრამ ქართველობას არასდროს დავკარგავ”,
გიორგი ქოჩორაშვილმა მიმდინარე მოვლენებთან დაკავშირებით ღიად დააფიქსირა თავისი აზრი, სოციალურ ქსელში, სადაც თავისი დისშვილის ფოტო გამოაქვეყნა ევროკავშირის დროშით.
,,სადაც არ უნდა ვიყო, რა ენაზეც არ უნდა ვსაუბრობდე, ყველაზე ახლო ადამიანები ვინც არიან ჩემთან, არიან ჩემი ოჯახის წევრები და მათ ყოველთვის დავიცავ რაც არ უნდა მოხდეს. ჩემთვის საპასუხისმგებლოა ის, რაც მოხდა. ჩემი დისშვილის ფოტო იყო. ამაზე შეიძლება არ უნდა მიწევდეს ლაპარაკი, მაგრამ მიწევს იმიტომ, რომ ჩემს ოჯახს ეხება. მე გამოვხატე ის, რაც ყველა ქართველის გულში არის, ჩემი ოჯახის გულში არის, ჩემი პატარა დისშვილების გულში არის”,
იხილეთ ეპიზოდი სრულად:
