22 მაისს, ნიდერლანდების ქალაქ როტერდამში ყოველწლიური მუსიკალური კონკურსის “ევროვიზია 2021-ის” ფინალური ტური შედგა, რომლის გამარჯვებულიც იტალიური როკჯგუფი “Maneskin” გახდა.
ჯგუფი, რომელმაც უკვე მთელი მსოფლიო მოხიბლა, მუსიკალურ ასპარეზზე 2017 წელს გამოჩნდა, როდესაც იტალიურ ტელეშოუში – “X Factor” მეორე ადგილის მფლობელი გახდა.
იტალია კი, კონკურსის გამარჯვებულის ტიტულის აქამდე ბოლოს 1990 წელს დაეუფლა, როდესაც კონკურსში ტოტო კუტუნიომ გაიმარჯვა.
რაც შეეხება საქართველოს, წელს ქვეყნის სახელი საზღვრებს გარეთ თორნიკე ყიფიანმა გაიტანა, რომელმაც სიმღერა სახელწოდებით “You” შეასრულა, მაგრამ სამწუხაროდ, ნახევარფინალს გამოეთიშა.
შეგახსენებთ, რომ 2007 წლიდან, როდესაც საქართველო კონკურსს ოფიციალურად შეუერთდა, უმაღლესი ადგილი, რომელიც ქართველი მონაწილეების აღმოჩნდა 2010 წელს სოფო ნიჟარაძისა და 2011 წელს ჯგუფის “Eldrine” მიერ მოპოვებული მეცხრე ადგილია.
